Egon Falk

Danskur kristniboði í Tanzaníu að nafni Egon Falk, var gestur Samhjálpar á samkomu sem Samhjálp var með í gærkvöldi í Fíladelfíu.

Egon var afar skemmtilegur og laus við alla tilgerð. Ég mæli alveg hiklaust með manninum og vil hvetja alla til þess að láta hann ekki framhjá sér fara. Egon verður gestur Fíladelfíu á samkomum kl. 20 á föstudags- og laugardagskvöld, á sunnudeginum er samkoman kl. 16:30.

Sjá nánar um heimsókn Egons hér.

Á bakvið regnbogann

Guðni Pétur samdi þetta ljóð í skólanum. Eins og kennaranum hans, finnst mér þetta ljóð mjög skemmtilegt og gefa afar góða innsýn inn í fjölbreytilegan og frjóan huga unglingsins. Það skortir ekki hugmyndaflugið.

Kjánalegir krummar eru klórandi,
krumpandi litla strumpa.
Stórir strumpar stappandi fótum,
litlir hóta en krummi mun þá skjóta.
Stórir litlir ljótir bláir,
karlinn baunagrasi sáir.
Klifrar Pési upp baunagrasið,
nema hvað, Doctor Jóli hinn mikli drjóli,
hjólandi á stóru hjóli.
Vá svaka stór njóli,
Það mætti halda að þetta væri stór drjóli.
Krummar strumpar njóli og hann Jóli drjóli,
allir bakvið regnbogann eru.
Gekk ég þá lengra, góðan Guð ég sá glamrandi á trommur
og englar gáfu mér stórar kardimommur.
Nei! Þarna voru strumpar,
litlir feitir klumpar.
Stukku þeir í Víti,
já hið stóra Helvíti.
Elti ég þá oní Víti en hvað!
Þar var ekkert að sjá.
Það var allt fullt af fólki,
Fór ég þá uppúr.
Fór ég þá heim undir regnbogann og svefn var gott að fá.
Já bakvið regnbogann er margt hægt að sjá, ójá.

Höfundur: Guðni Pétur Guðnason. 14 ára.

Brúðkaupsgjöfin

"Léstu nýja eiginmann systur þinnar hafa 500 þúsund króna ávísunina?"
"Já, það gerði ég pabbi" sagði sonurinn.
"Og hver voru viðbrögð hans" spurði faðirinn.
"Sko, fyrst var hann mjög þakklátur og svo varð hann mjög tilfinningasamur" sagði sonurinn.
"Grét hann" spurði faðirinn.
"Já, hann grét" svaraði sonurinn.
"Og hvað grét hann lengi" spurði faðirinn.
"Í svona ca. eina mínútu" svaraði sonurinn.
"Þetta vanþakkláta gerpi! Ég grét í meira en klukkustund eftir að ég skrifaði ávísunina!"

Hvað er í hjartanu?

Góður vinur minn liggur á sjúkrahúsi og sendi mér skilaboð sem m.a. innihéldu eftirfarandi (vona að hann fyrirgefi mér það að birta þetta svona opinberlega):

"Annars fer ég í hjartasónar í fyrramálið og þá á eitthvað að koma í ljós, kannski sjá þeir Jesú, hann er í hjarta mínu."

Alveg sama á hverju gengur, trúin er sterk og húmorinn í lagi. Vona að þetta lýsi upp ykkar dag, það gerði það hjá mér.