Opið bréf, þekkt og lesið af öllum.

Fyrir hvað er kirkjan þekkt? Beini þessari spurningu til allra Kristinna kirkjudeilda. Er hún þekkt fyrir það sem hún er á móti, eða er hún þekkt fyrir það sem hún boðar, eða stendur fyrir?

Áleitin spurning, ekki satt?

Ég segi fyrir mitt leiti að ég vil að mín kirkja sé þekkt fyrir boðun fagnaðarerindisins og þann kærleiksboðskap sem þar er að finna, því án kærleika erum við ekki neitt.

Deilum ekki um mismunandi áherslur, boðum Fagnaðarerindið

Ég var að koma af ráðstefnu hjá Saddleback Church í LA, CA, USA. Rick Warren stofnandi og forstöðumaður kirkjunnar var aðalræðumaður og kennari. Sjaldan eða aldrei hef ég heyrt eða orðið vitni að starfi og boðun sem er eins markmiðasett og algerlega laust við að upphefja annað en Guð. Mismunandi kenningar eða áherslur fá ekki að komast upp á milli manna. ALLT snýst um Guð og að boðun Fagnaðarerindisins, þar fær maðurinn ekki að varpa þumlungi af skugga á boðunina og engar deilur fá að grassera. Litið er á líkama Krists sem einn starfandi líkama þar sem limirnir vinna saman, þrátt fyrir mismunandi hlutverk og heiti.

Frá stofnun kirkjunnar sem var að ég held 1985, hefur hún vaxið frá litlum heimahópi í 22 þúsund VIRKA (starfandi) meðlimi, 45 þúsund eru skráðir meðlimir og 82 þúsund sækja kirkjuna mismunandi oft.

Ef allt gengur upp, þá er ætlun mín að deila á næstu mánuðum sumu af því sem ég sá og upplifði. Það verður vonandi í formi þátttöku í einhverskonar hópi sem allir munu geta tekið þátt í. Meira um það seinna. (Til að forðast allan misskilning þá yrði það á vettvangi Samhjálpar eða Hvítasunnukirkjunnar, ef næg þátttaka fæst).

Þangað til vil ég hvetja alla sem lesa þessar línur að verða sér úti um og lesa bókina Purpose Driven Life eftir Rick Warren. Hægt er að nálgast hana á Amazon.com og Purposedriven.com.

Sagt um drenginn minn.

Hann Bjarki Enok minn er í 4 bekk í Borgarskóla og er 9 ára. Þetta segja skólafélagar hans um hann:

"Bjarki er cool og góður strákur, hann er góður í fótbolta, hann er fyndinn og hann er góður í stærðfræði, hann vinnur vel og er góður í ýmsu og svo er hann sætur (það voru örugglega stelpurnar sem sögðu það)."

Alveg er ég sammála skólafélögum hans Bjarka, hann er frábær strákur, enda á hann líka frábæra eldri bræður, þá Edgar Smára og Guðna Pétur. Og svo er hann alinn upp af alveg stórkostlegri mömmu. Útkoman gat bara ekki orðið annað en góð. :)