Verum þakklát fyrir störfin okkar

Er sannleikskorn í þessu?

Langar þig í Heilagan Anda?

Það eru allof margir sem eiga í erfiðleikum með að trúa því að þeir geti fyllst Heilögum Anda, hafa kannski beðið þess lengi og eru e.t.v. farnir að trúa því að þessi fylling Andans sé ekki fyrir þá.

Í Postulasögunni 2. kafla 38. versi segir: "Gjörið iðrun og látið skírast hver og einn í nafni Jesú Krists til fyrirgefningar synda yðar, þá munuð þér öðlast að gjöf Heilagan Anda."

Eru þessi atriði, þ.e. iðrun og skírn uppfyllt í lífi þínu? Ef svo er, þá átt þú gjöf Heilags Anda og ekki bíða þess lengur að virkja þá gjöf.

Guð blessi þig og megi afl Heilags Anda í þínu lífi vera eins og gos úr kókflösku sem búið er að hrista, nema að því undanskyldu að ólíkt gosinu úr kókflöskunni, hætti þitt gos aldrei að streyma.

Hvernig veit maður hvort maður ekur of hratt?

Þegar ég sá þessa mynd varð mér hugsað til vinar míns sem nýlega lenti í útistöðum við réttvísina vegna "ofsaaksturs" um götur borgarinnar. Bara að hann hefði nú átt hund, þá hefði þetta ekki komið fyrir.

Stærðfræði er skemmtileg

Þetta reikningsdæmi tekur þig aðeins 30 sekúndur.

Fylgdu leiðbeiningunum og kláraðu dæmið, áður en þú kíkir neðst á síðuna.

FYRST skaltu ákveða, hversu oft í viku þig langar að fara út að borða á góðum veitingastað.

Margfaldaðu töluna með tveimur,

Bættu svo við 5

Margfaldaðu með 50

Ef afmælisdagurinn þinn í ár er þegar um garð genginn, bætirðu við 1755

Ef hann er enn ókominn bætirðu við 1754

Nú kemur síðasti liður dæmisins.......

Dragðu frá fæðingarár þitt (dæmi 1945, 1978 o.s.frv,)

Nú ertu komin(n) með þriggja stafa tölu!!

Fyrsta talan lýsir því, hversu oft þig langar út að borða í viku hverri.

Hinar tvær tölurnar .......

OG HALTU ÞÉR NÚ....

sýna aldur þinn.

Athugið að þetta dæmi gengur aðeins upp árið 2005.

Skemmtileg saga

Þegar tannlæknirinn hennar Kristínar lét af störfum þurfti hún eðli málsins samkvæmt að verða sér úti um nýjan tannlækni til að taka við skoðunum og viðgerðum.

Þegar hún beið á biðstofunni hans á leið í fyrsta tímann lét hún augun reika um biðstofuna og rak augun í vottorð tannlæknisins sem bar m.a. fullt nafn hans.

Skyndilega mundi hún eftir þessum hávaxna og myndarlega strák er bar sama nafn og hafði verið með henni í bekk í gagnfræðaskóla um það bil 40 árum fyrr. Hún var því orðin nokkuð spennt þegar henni var boðið inn en þegar hún barði manninn augum varð henni ljóst að ekki var um sama mann að ræða. Þessi gráhærði maður, sem aðeins var byrjaður að fá skalla, og skartaði djúpum hrukkum í andlitinu, var alltof gamall til að hafa getað verið með henni í bekk.

Kristín gat þó ekki hætt að hugsa um þetta og þegar hann hafði lokið við að hreinsa tennur hennar spurði hún hann hvort hann hefði gengið í gagnfræðiskólann í hverfinu. Hann játti því. "Hvenær útskrifaðistu?" spurði Kristín þá. "Árið 1962," svaraði hann að bragði. "Nú?" hváði hún. "Þú hefur þá verið í bekknum mínum." "Nú já," sagði hann og horfði rannsakandi á Kristínu. "Og hvað kenndir þú?"