Gleðilegt sumar!

Gleðilegt sumar og takk fyrir veturinn.

Það hljómar að vísu svolítið skondið að bjóða fólki gleðilegt sumar þegar hitamælar segja hitastig rétt yfir frostmarki enda frusu saman vetur og sumar sem samkvæmt gamalli trú boðar hlýtt sumar. Ég verð að játa að ég tel ekki mikinn sannleik felast í þessum spádómi um veðráttu sumarsins. Hitt er ég viss um að ylur trúarinnar á Jesúm Krist mun verma hjarta mitt og sál í sumar. Það er vissa sem ég hef, ekki vegna þess að svo hafi verið spáð fyrir um, heldur finn ég hita trúarinnar innra með mér, vetur, sumar vor og haust.

Ef að þú sem lest þessar línur átt ekki þessa vissu eða trú, biddu Jesúm Krist að fyrirgefa þér allar þínar misgjörðir (sem hann mun gera skilyrðislaust) og koma inn í hjarta þitt og gera alla hluti nýja.

Megi sumarið gefa þér hlýju og kraft Guðs og megi trúarfullvissa fylgja þér allar árstíðirnar.

Guð blessi þig!

Asni betri en eiginkona?

"Asni er eins og eiginkona. En í rauninni er asninn ívið betri vegna þess að eiginkonan getur átt það til að kvarta og fara aftur heim en enginn asni er nokkurn tíma ótrúr herra sínum," segir í kennslubók fyrir 14 ára börn í Rajastan á Indlandi.

Heimild: Mbl. 5. apríl 2006

Vona að það hafi nú ekki hvarflað að ykkur við upphaf lestursins að þetta væri mín skoðun. Eitthvað hefur nú jafnréttið skolast til þarna á Indlandi, enda mun vera búið að samþykkja að taka umrædda samlíkingu út. Datt svona í hug að deila þessu með ykkur og með því sýna fram á að það eru margir verri en Íslenskar karlrembur. :)