Hve stóran rafgeymi á ég að nota við Sólarsellu frá Rafgeymasölunni?

Þegar velja skal rafgeymi fyrir sólarsellur er mikilvægt að maður reikni áætlaða notkun. Hér er best að styðjast við þá mestu notkun sem hugsast getur á árinu og verstu hleðsluskilyrði. Ef þetta er gert þá verður maður aldrei straumlaus á þeim tímum sem notkun er minni og hleðsluskilyrði betri. En tökum lítið dæmi hér. Þetta er venjulegt hjólhýsi fyrir 4 persónur.

Reiknið sjálf eyðsluna og orkuþörfina

Hvernig reiknar maður orkunotkun út 

Orkunotkun er gefin upp í Watt tímum (Wh). Spenna (U) í voltum (V). Straumur (I) í amper (A) og orka (P) í wöttum (W). 

Ef við vitum straum og spennu þá finnum við orkuna eftirfarandi:

 P = I x U

En oftast er orkan gefin upp á perum og þeim hlutum sem við veljum að nota. Þess vegna getum við lesið orkustærð og margfaldað hana með fjölda klukkustunda sem við notum hlutinn. Ef við tökum dæmi um leslampann hér í töflunni þá er formúlan eftirfarandi:

 Wh = W x t => 10W x 4t = 40Wh

Dæmi um orkunotkun á einum sólarhring.
 

Heildar orkuþörf á sólarhring                                                                                 366Wh

Út frá þessari töflu fæ ég notkun upp á ca 366Wh á einum sólarhring. Nú er rýmd rafgeyma mæld í amper stundum. Til þess að finna út hve margar amperstundir 366Wh krefjast þá deilum við í töluna með spennunni. Þetta gefur okkur:

366Wh/12V = 30,5Ah á dag

eða 7x30,5Ah = 214Ah á viku.
 

Stærð rafgeymis í Ah

1. Uppgefin stærð rafgeymis í Ah (amperstundum) er gefið við 20 stunda afhleðslu. Stærðin er því mæld miðað við þá notkun sem afhleður rafgeyminn á 20 stundum. Ef maður gefur sér 65Ah rafgeymi, er rýmdin gefin upp miðað við álag sem tekur 3,25A (3,25Ax20 timer = 65Ah). Ef maður tekur meiri straum frá rafgeyminum þá minnkar rýmd hans mikið. Hve mikið rýmdin minnkar er bundið við gerð og gæði rafgeymisins. Þess vegna er mikilvægt að þekkja rýmd rafgeymis síns miðað við þann notkunnarstraum sem viðkomandi notandi hefur.

2. Það er mikilvægt að rafgeymirinn sé ekki afhlaðinn allveg. Sem þumalputta regla segir maður að það ætti ávalt að vera 20% - 30 % eftir á rafgeymi. Það er að segja að afhleðslan á einungis að vera 70 - 80% af heildarrímd rafgeymisins.
    

Þá er komið að vali á rafgeymi fyrir ofan nefnda notkun. Við reiknum með vikunotkun þar sem lítil sem engin hleðsla hefur verið. Það er að segja versta tilfelli.

Stærð rafgeymis = 1.2 x 214Ah = 257Ah.

Þetta er stór rafgeymir og ef til vill ekki nauðsinlegur. En ef tryggja á að maður hafi ávallt nægilega orku þá er þetta valið.

En gefum okkur að við höfum sólartíma á Íslandi eins og veðurstofan reiknar með. Þá fáum við eftirfarandi upphleðslu í Wh frá Sólarrafhlöðu frá Rafgeymasölunni á viku.

Tafla sýnir orku hleðslu á viku í Wh.

Með því að taka mið að meðaltals upphleðslu rafgeymis miðað við uppgefnar tölur Veðurstofu Íslands þá getum við minnkað rafgeymastærð okkar verulega. Tökum dæmi um 60W sólarrafhlöðu. Hér gefum við okkur meðalhleðslu upp á ca 1000 Wh. Eða 83.3 Ah.

Ný stærð rafgeymis = 257Ah - 83.3 Ah = 173,7 Ah.

Valið yrði því 2 x 90 Ah rafgeymar.

Til þess að taka alla þætti inn í heildarmyndina þá ættum við að taka tillit vinnugildis rafgeymisins eða nýtnistuðul hans sem er 90 %. Þá fáum við heyldar rímd á rafgeymapakka okkar til að vera:

0.9 x 180Ah = 162 Ah

Hér fáum við þá mismun upp á 173,7Ah - 162Ah = 11,7 Ah. Þar sem við erum þannig sett á Íslandi að við getum lent í skýjuðu veðri í lengri tíma er best að hafa rafgeyma rímd í samræmi við veðurfar. Hér myndi því valið falla á tvo 100Ah rafgeyma. Þetta til að mæta þeim skilyrðum sem við höfum í umhverfi okkar sem ferumst um náttúru Íslands.