Maðurinn reynir að temja eldinn
Þegar hinir miklu og röku regnskógar fóru að minnka kom maðurinn úr trjánum og út á hinar þurru
gresjur sem þá voru að 
myndast. Dag nokkurn var hann á vappi að leita sér að fæðu þegar
skyndilega sló niður eldingu í nálægt tré. Eldur
kviknaði í því og tók þá maðurinn eftir því að öll
dýrin í nágrenninu fældust og flúðu frá
eldsloganum sem stóð upp af trénu. Vakti þetta
forvitni mannsins og þegar hann gekk nær fann
hann hvernig hlýjan yl lagði frá eldinum, þá
uppgötvaði hann líka að ef dýrin óttuðust þetta
væri kannski hægt að nota þetta sem vopn í
þágu mannkynsins.
Eitthvað á þessa leið gætu fyrstu kynni mannsins af eldingum og náttúruhamförum af þeirra völdum verið. Þótt hér hafi einungis verið komið með mjög milt dæmi af skógareldi sem afleiðingu þess að eldingu sló niður, átti maðurinn eftir að fá að kynnast því mun verra og enn þann dag í dag verður árlega stórtjón af völdum eldinga.
Eldingar
Eldingar verða til við öflugt neistahlaup, annaðhvort milli skýja eða milli skýs og jarðar. Stafar þetta af afhleðslu stöðurafmagns milli neikvæðrari hleðslu jarðar og jákvæðrar hleðslu í hærri loftlögum. Áhrif þessi berast hratt um allan hnöttinn og af því leiðir að rafstraumur berst látlaust frá lofti til jarðar, líka í góðu veðri. Spennu- munurinn, sem verður þannig á milli himins og jarðar, þegar eldingu slær niður, er nokkrar milljónir volta og rafstraumurinn er frá nokkrum þúsundum ampera. Á hverri sekúndu slær niður um hundrað eldingum. Algengar eru línueldingar með hraðanum 100 km/sek en þess má geta að þrumur fara einungis með hraðanum 3 km/sek og því má reiknaút hversu langt í burtu eldingin var með því að telja hversu margar sekúndur liður frá því að eldingin sást og þar til að þruman heyrist og margfalda svo sekúndurnar með þremur.
Eldingavarar
Eldingar geta valdið stórtjóni á byggingum en milli skýja og stórra bygginga myndast oft öflugar rafhleðslur vegna lögunar bygginganna. Þess vegna eru eldingavarar settir á háar byggingar en þeir leiða eldingarnar niður í jörðina til að þær valdi síður tjóni. Eldingavararnir eru settir efst á byggingarnar, eru þeir gerðir úr málmvír eða málmteini úr góðum leiðara, sem liggur niður bygginguna og jarðtengir hana þannig.
En eldingar valda ekki bara tjóni á byggingum. Þeim slær oft niður í tré og valda þær þannig miklum skógareldum. Skógareldar kvikna helst þar sem miklir þurrkar hafa verið og eru því erfiðari í viðureign þar sem gróður er þéttur og þurr. En hversu þurr sem gróður verður kviknar ekki í honum sjálfkrafa, það þarf einhvern neista.