Þann 24.
nóvember 2006 sendi Elvar Örn Reynisson spurningar á tvo
frambjóðendur í prófkjöri Sjálfstæðismanna í Reykjavíkurkjördæmi. Voru það
Steinn Kárason og Vilborg G Hansen
Sæll Steinn
Mig langar að forvitnast um skoðun þína á hjólreiðum sem
samgöngumáta og hvaða hugmyndir þú hefur til að betrumbæta aðstöðu
hjólreiðafólks á
höfuðborgarsvæðinu og samvinnu á milli sveitarfélaga.
Í dag flokkast þetta undir sveitarstjórnarmál en á Alþingi hefur
þessi þinsáliktunartillaga
http://www.althingi.is/altext/133/s/0082.html verið flutt fyrir
þingið í þriðja sinn. Ef hún fær fram að ganga munu hjólreiðabrautir
verða á herðum Ríkisins
að hluta líkt og vegir í þéttbýli. Mig langaði að vita hvort
Þingsáliktunartillagan fengi þitt atkvæði.
Með baráttu kveðju
Elvar Örn Reynisson
Formaður Hjólreiðafélagsins Hjólamenn
www.hjolamenn.is
--------------------------------------
Sæll og blessaður.
Þakka fyrirspurnina. Þetta flokkast að mínu mati fyrst og framst
undir sveitastjórnarmál!
En þar sem ég aðhyllist þennan ferðamáta og eftir að hafa verið í
M.Sc.-námi í Danmörku og víðar 2000-2003 verð ég að lýsa því yfir að
aðstaða til hjólreiða á höfuðborgarsvæðinu (þó víðar væri leitað) er
mjög vanþróuð! Það er oft hættulegt að ferðast um á hjóli. Komist ég
í að stöðu til að bæta aðstöðu hjólreiðafólks mun ég að sjálfsögðu
gera það. Það þarf að hanna og útbúa sérstakt stígakerfi í þessum
tilgangi.
Tillagan er efnislega í samræmi við mitt viðhorf, greinargerðina hef
ég ekki kynnt mér til hlýtar- í mörg horn er að líta þessa dagana.
Tillagan er efnislega á þeim nótum sem okkur hefur farið á milli ,
að þeim forsendum gefnum er svar mitt já.
Góð kveðja,
Steinn
www.steinn.is
ps
er m.a. umhverfisstjórnunarfræðingur og meðal verkefna var að gera
úttekt á m.a. þessum málum í Álaborg, Danmörku.
S.K.
Sæl Vilborg
Mig langar að forvitnast um skoðun þína á hjólreiðum sem
samgöngumáta og hvaða hugmyndir þú hefur til að betrumbæta aðstöðu
hjólreiðafólks á höfuðborgarsvæðinu og samvinnu á milli
sveitarfélaga.
Í dag er þingsáliktunartillaga þessi
http://www.althingi.is/altext/133/s/0082.html til umræðu á Alþingi
og myndi stórbæta aðgengi hjólreiðafólks. Vonandi fær hún þitt
atkvæði og að mínu mati er það Alþingi sem þarf að taka þetta mál
upp á arma sína líkt og þjóðvegi í þéttbýli
Með baráttu kveðju
Elvar Örn Reynisson
Formaður Hjólreiðafélagsins Hjólamenn
www.hjolamenn.is
----------------------------------------
Sæll Elvar Örn,
Ég er á því að það eigi að vera almennilegir hjólreiðastígar í
borginni og á milli sveitarfélaga á höfuðborgarsvæðinu, en þetta
málefni á fremur heima á borði sveitastjórna en alþingis J Minnir að
Gísli Marteinn hafi ekki alls fyrir löngu verið að hvetja fólk til
að hjóla J
En ég get fullvissað þig um að ef ég kem orði að í þessari umræðu
við rétta aðila, þá er ég sammála þér þarna J
Hjá okkur er þetta frekar spurning um að gert væri ráð fyrir
hjólreiðum meðfram þjóðvegi 1 svo hjólin séu ekki á götunum sjálfum
sem skapar oft hættu fyrir bæði hjólreiðamenn og ökumenn????
Þessi tillaga samrýmist vel það sem gott borgarskipulag á að hafa,
miðað við það sem ég hef kynnst í námi mínu sem landfræðingur. Ég er
þér hjartanlega sammála í þessum málum og tel að þetta þurfi að
vinna í sambandi við samgöngukerfi borgarinnar í heild, en í
samvinnu við sveitarfélögin. Ég hef mikinn áhuga á borgarskipulagi
og samgöngumálum og er þetta klárlega einn af þeim pólum. Það er
alveg ljóst að það þarf að taka verulega til í skipulags- og
samgöngumálum höfuðborgarsvæðisins á næstunni og ég bara vona að
allir þeir sem komast að sem þingmenn í Reykjavík fari að vinna að
því af heilum hug. Það er alveg ómögulegt að við höfuðborgarbúar
sitjum alltaf á hakanum þrátt fyrir að hér séu þó flestir íbúarnir.
Það þarf að fara að hugsa heildarmyndina en ekki alltaf í bútum.
Með kveðju
Vilborg G. Hansen framkvæmdarstjóri
LandArt ehf - www.sumarbustadur.is
gsm 895-0303 vilborg@landart.is
