2.6 GÖNGUSTÍGAR, GÖNGUBRÝR OG UNDIRGÖNG
Hér verður einungis fjallað um nýja göngustíga
og þveranir í tengslum við framkvæmdina, enda verður
göngustígum gerð nánari skil í kafla 4.2.5
hér að aftan. Jafnframt eru allir göngustígar sýndir
á myndum 1 - 4 í viðauka A. Þar er gerður
greinarmunur á því hvort um er að ræða
stíga sem eru til staðar eða hvort um
nýlagningu er að ræða.
Fyrirhugað er að göngustígur verði lagður
meðfram Reykjanesbraut að vestanverðu frá Fífuhvammsvegi
að Arnarnesvegi. Skammt norðan Bæjarlindar/Hagasmára
mun verða göngubrú yfir Reykjanesbraut og er henni ætlað
að bæta aðgengi gangandi
vegfarenda að verslunarhverfunum vestan Reykjanesbrautar. Að
ósk Kópavogsbæjar hefur gerð þverunarinnar
verið frestað um a.m.k. 10 ár og staðsetning hennar
er sömuleiðis ekki ákveðin.
Þverun yfir Reykjanesbraut verður við Arnarnesveg til
beggja handa á brúnni. Þá verður Arnarnesvegur
einnig þveraður í undirgöngum vestan brúar.
Einnig verður lagður nýr göngustígur til norðurs
frá undirgöngum neðan Hnoðraholts, meðfram holtinu.
Stígurinn mun að hluta liggja bak við hljóðmanir
sem fyrirhugað er að komi á þessu svæði.
Þverun við Vífilsstaðaveg verður samskonar
og við Arnarnesveg, þ.e. göngustígur til beggja handa
á brúnni og undirgöng undir Vífilsstaðaveg
vestan brúar. Frá undirgöngunum heldur stígurinn
áfram til suðurs, suður fyrir Hraunsholtslæk þar
sem
hann þverar Reykjanesbraut í undirgöngum. Færsla
núverandi þverunar suður fyrir læk kemur til vegna
rampa frá Vífilsstaðavegi. Austan Reykjanesbrautar heldur
stígurinn áfram gegnum hraunið að vegtengingu við
Urriðaholt.
Fyrirhugað er að stígurinn þveri Reykjanesbraut
í undirgöngum skammt norðan vegamóta við Urriðaholt/Molduhraun
og jafnframt verðir önnur þverun undir brúnni, samhliða
fyrirhugaðri Urriðaholtsbraut.. Þá verður Urriðaholtsbraut
þveruð í
undirgöngum við fyrirhugaðan hátæknigarð
í Urriðaholti. Stígurinn mun svo liggja áfram
til suðurs inn í Hafnarfjörð.
4.2.6 Göngustígar
Stígum er gjarnan skipt í fernt á skipulagsuppdráttum:
Fjarstíga, aðalstíga, útivistarstíga og
reiðstíga.
Fjarstígar tengja saman sveitarfélögin og tengjast
aðalstígum sem mynda samfellt stígakerfi innan sveitarfélaganna.
Útivistarstígar liggja um ýmis viðkvæm svæði
og er þeim ætlað að stuðla að náttúruvernd
með því að beina umferð eftir fyrirfram
ákveðnum leiðum. Reiðstígar tengja saman
svæði hestamanna við önnur hesthúsasvæði
á höfuðborgarsvæðinu.
Fjarstígar haffa hingað til ekki verið samræmdir
á milli sveitarfélaga. Samræmd kerfi fjarstíga
ásamt endurbættu kerfi aðalstíga er að líta
dagsins ljós með nýjum aðalskipulagstillögum
og breytingum á núverandi skipulagi.
Lýsing stíga hér á eftir byggir eingöngu
á núverandi ástandi í Kópavogi og Garðabæ.
Myndir
1 - 4 í viðauka A sýna hins vegar bæði
núverandi og fyrirhugað net
göngustíga í tengslum við fyrirhugaða framkvæmd.
4.2.6.1 Kópavogur
Enginn göngustígur er meðfram Reykjanesbraut milli
Arnarnesvegar og Fífuhvammsvegar í Kópavogi. Malarstígur
er hins vegar frá Bæjarlind að Arnarnesvegi. Engar þveranir
eru á Reykjanesbraut milli Fífuhvammsvegar og
Arnarnesvegar en ætlast er til að gangandi vegfarendur noti
gönguþveranir við Fífuhvammsveg.
4.2.6.2 Garðabær
Göngustígur liggur meðfram Reykjanesbraut að vestan
frá Arnarnesvegi að Vífilsstaðavegi. Þverun
er í undirgöngum vestan Hnoðraholts og sömuleiðis
meðfram Hnoðraholtsbraut. Stígurinn liggur áfram
suður að Vífilsstaðalæk, en þar þverar
hann Reykjanesbraut í undirgöngum og liggur stígurinn
áfram til austurs meðfram læknum. Sunnan lækjar
er enginn göngustígur meðfram Reykjanesbraut.
Umsögn matskýrslu um framkvæmdir í gegn um Hafnarförð
1.3.9 Göngu- og hjólaleiðir
Göngu- og hjólaleiðir á kaflanum frá
Álftanesvegi að Ásbraut munu allar þvera Reykjanesbraut
á brú eða um undirgöng. Farið verður um
mislæg gatnamót við Lækjargötu og Kaldárselsveg,
þar sem leitast verður við að leiða gangandi umferð
um fáfarnar akbrautir. Farið er um göngubrú eða
vegstokk við Kaplakrika, Sólvang, Hvammabraut og Álftaás
og um undirgöng við Hamarskotslæk. Fjarlægð milli
gönguþverana verður að jafnaði um 500 m en þó
um helmingi styttri í kringum Lækjargötu. Reynt verður
að aðgreina gangandi umferð og bílaumferð eins og
hægt er og hvergi er gert ráð fyrir gangandi umferð
meðfram Reykjanesbrautinni á svæðinu. Gert er ráð
fyrir að göngu- og hjólaleiðir verði sameiginlegar.
Aftur á fréttayfirlit
Vefsíða Náttúru