Creative Brief
Með því að skoða eftirfarandi spurningar er hægt að búa til grind fyrir Creative Brief. Upplýsingarnar sem fram koma í spurningalistanum eiga að innihalda svörin.
Samantekt:
Takið fram allar almennar upplýsingar um verkefnið, markmið og þær bakgrunnsupplýsingar sem skipta máli fyrir hönnunina. Þessi hluti á að verða fjalla um verkefnið í heild sinni.
1. Hver er heildarmynd verkefnisins? Takið fram í stuttu máli allar bakgrunnsupplýsingar sem koma verkefninu við.
2. Hver er megintilgangur vefsins.?
3. Hver eru aukamarkmið vefsins'
4. Hvert er langtímamarkmið hans?
Notendalýsing:
Gerið lýsingu á markhópnum, Hafið hana nógu nákvæma til að allir skilji við hverja er átt. Hafið einhverjar tölupplýsingar úr könnunum með. Markmiðið með þessum hluta er að svara eftirfarandi: Hver er markhópurinn? Hvert er áhugamál þessa fólks? Og hvað gera þeir á vefnum frá degi til dags?
1. Hver er markhópurinn? Veljið dæmigerðan notanda og lýsið honum í smáatriðum, Hafið með upplýsingar um starf, aldursbil, kyn, hversu oft hann er á vefnum, YHvað gerir hann á vefnum og aðrar upplýsingar sem skipta máli. Lýsið fleiri en einum ef þarf.
2. Hvað er dæmigert verkefni sem notandinn tekur sér fyrir hendur á nýja vefnum? Til dæmis innskráning, leit að upplýsingum, kaupa vöru, senda netfangið sitt, biðja um meiri upplýsingar osfrv.
Upplifun, tónn og tilfinning:
Hvernig á markhópurinn að bregðast við vefnum?
1. Hvað finnst markhópnum um fyrirtækið og vefinn sem fyrir er?
2. Hvað viljum við að honum finnist?
3. Hvernig á hinn nýi vefur að ná því markmiði?
4. Hvaða lýsingarorð er hægt að notatil að lýsa því hvaða upplifun notandinn á að fá af fyrirtækinu og vef þess?
5. Hvaða sértöku sjónrænu skilaboðum á vefurinn að miðla?
Samskipti:
Hvernig á að sannfæra notandann?
1. Hver eru helstu skiðlaboðin sem vefurinn á að miðla til notandans? Til dæmis ódýr, öruggur, traustur, virkur osfrv.
2. Hvernig á að miðla þessum skilaboðum? Til dæmis bein skilaboð í texta, flýtileiðir að markmiðum, tilboð á forsíðu osfrv.
3. Tiltakið þróunarferlið sem á að nota til að ná þessum markmiðum (Ef það á við).
4. Hvernig á að mæla árangur vefsins?
Samkeppni:
Að hvaða leyti erum við öðruvísui en samkeppnisaðilarnir og hvaða atriði eru það sem verða til þess að við náum betri árangri en þeir?
1. Að hvaða leyti er fyrirtækið eða vefurinn öðruvísi en samkeppnisaðilarnir?
2. Hvað er það helsta sem greinir fyrirtækið frá samkeppnisaðilunum?
3. Hvaða hlutar núverandi vefs eru að virka og hversvegna?
Meginskilaboð.
Notið eitt orð eða setningu sem lýsir vefnum eftir að hann hefur verið settur upp.
Athugasemdir: Þessi texti er lausleg endursögn á nokkrum blaðsíðum úr bókinni WebRedesign/Workflow that works eftir Kelly Goto og Emily Cotler. Þetta er eingöngu hugsað sem kennsluefni í Veftækni 105 og 115 í Fjölbrautarskólanum Ármúla og ekki hugsað að neinu leyti til dreifingar eða annarar notkunar enda liggja engin leyfi fyrir um að mega nota þennan texta. Hann er birtur hér fyrst og fremst fyrir nemendur áfanganna til að hafa til hliðsjónar við skil á verkefnum.
Öll önnur notkun er auðvitað með öllu óheimil.