|
|
Iðunn Steinsdóttir er meðal þekktustu barnabókahöfunda þjóðarinnar. Gefinn hefur verið út á fimmta tug bóka eftir hana, þar á meðal ein sem hefur verið þýdd á ensku og önnur á þýsku. Gegnum Þyrnigerðið Gegnum þyrnigerðið er nýstárlegt ævintýri sem gerist fyrir langa löngu en á sér þó hliðstæðu í atburðum sem gerðust í Evrópu seint á 20. öld. Sögusviðið er dalur þar sem íbúarnir hafa búið í sátt og samlyndi um aldaraðir. Einn vorbjartan dag kemur illmennið Óþyrmir til sögunnar. Með kynngimögnuðu þyrnigerði skiptir hann dalnum í Austdal og Vestdal. Fólkið þráir að sameinast á ný - og dag nokkurn fara óvæntir atburðir að gerast. Iðunn var stödd í Ungverjalandi sumarið 1990 en þá var "járntjaldið" nýfallið. Hún ræddi við heimamenn og kynntist vonum þeirra og vonbrigðum. Munurinn á lífskjörum þessa fólks og fólksins í Vestur-Evrópu blasti við og spurningin "kemur okkur þetta við?" gerðist áleitin. Upp úr þeim vangaveltum er þessi bók sprottin. Hún hlaut íslensku bókmenntaverðlaunin 1991. Umfjöllun: Morgunbl. 17. maí 1991, Jenna Jensdóttir; Vera 1.tbl. 1992, síða 321, Fanney Finnsdóttir. Ævar á grænni greinÆvar litli er íslenskur drengur sem býr í útlöndum með pabba sínum og mömmu, afa og ömmu. Og það er ekki eintóm sæla! Ævar lendir í ýmsum ævintýrum og gerir ótal skammarstrik - sum alveg óvart - enda er hann bara venjulegur polli og dálítið kenjóttur eins og gengur. Ævar á grænni grein er bók sem fullorðnir geta lesið fyrir yngri börnin og skemmt sér jafn vel yfir og þau. Iðunn bjó í Belgíu þegar hún skrifaði bókina og ýmsir atburðir í henni eru sóttir í daglega lífið þar. Gunnar Karlsson myndskreytti bókina. Umfjöllun: DV 13. 12. 1995, Silja Aðalsteinsdóttir; Morgunbl. 20. 12.1995, Sigrún Klara Hannesdóttir Fúfú og fjallakrílin Fúfú og fjallakrílin er ævintýraleg bók sem hentar vel börnum á aldrinum 6 - 10 ára og foreldrum á öllum aldri. Fjallakrílin búa í skrítnu húsi á háu fjalli og lenda þar í ýmsum háska og ævintýrum. Hvert einstakt kríli hefur sitt sérstaka svipmót og á ýmsu gengur í krílasamfélaginu. Þau eru ákaflega ólík okkur - og þó stundum svo undarlega lík. Fúfú og fjallakrílin er prýdd 30 myndum sem Búi Kristjánsson teiknaði. Umfjöllun: Morgunblaðið 17. 12. 1983, Jenna Jensdóttir; DV 20. 12. 1983, Hildur Hermóðsdóttir. Fjallakrílin - óvænt heimsókn Bókin er sjálfstætt framhald bókarinnar Fúfu og fjallakrílin. Gestir frá fjarlægum slóðum bætast í hópinn á fjallinu og sambúðin við þá er hin sögulegasta. Á þeim tíma sem bókin er skrifuð höfðu flóttamenn frá framandi menningarsamfélögum sest að á Íslandi. Höfundur komst í kynni við þá og þaðan er kveikjan að sögunni sprottinn. Umfjöllun: Morgunblaðið 13. 12. 1984, Jenna Jensdóttir; DV 13. 12. 1984, Hildur Hermóðsdóttir. Út í víða veröld Það er undarleg hersing sem heldur út í heim til að leita svars við brennandi spurningu; úrillur karl, þrír úrræðagóðir krakkar og hann Jarpur gamli með kerruna í eftirdragi. Leiðin er löng - og hvorki viðburðasnauð né hættulaus. Á vegi þeirra verða flakkarar og svikahrappar, eldfjöll og jökulsprungur, álfar og tröll. En allt veltur á því að þau fái svar við spurningunni og komist aftur heim til að bjarga bænum sínum og fólkinu frá sulti og seyru. Í bókinni er leitast við að svara þeirri spurningu hvernig við eigum að umgangast náttúruna.Bókin er prýdd fimmtán myndum eftir Brian Pilkinton. Umfjöllun: Morgunbl. 28. 11. 1997, Kristín Ólafsdóttir; DV 17. 12. 1997 Margrét Tryggvadóttir.
Jólasveinar Það gerist margt sögulegt þegar jólasveinarnir leggja af stað til byggða með pokana úttroðna af gjöfum í skóna. Þeir eru fínir í nýju rauðu fötunum sínum, fínni en í gamla daga þegar þeir gengu í mórauðum ullarflíkum. En innst inni eru þeir sjálfum sér sér líkir. Kjötkrók dreymir um hangikjöt, Skyrgám um skyr, Bjúgnakræki um bjúgu og þannig mætti lengi telja. Þeir eru hættir að hrekkja - en stundum gleyma þeir sér... Bí Kristjánsson myndskreytti bókina. Umfjöllun:Morgunblaðið 14. 12. 1988, Jenna Jensdóttir; DV 15. 12. 1988, Hildur Hermóðsdóttir; Helgarpósturinn 18. 12. 1988, Sölvi Sveinsson. Drekasaga Drekasaga er ævintýri. Sögusviðið er lítið sjávarþorp undir háu fjalli. Sagan segir frá einmana dreka sem býr í helli í fjallinu og langar að kynnast fóllkinu í bænum. Það gengur illa því að allir eru hræddir við hann vegna þess að hann er svo ljótur. Anna litla uppgötvar þó að hann er ekki hættulegur og tekur hann að sér. Hann hjálpar börnunum að glíma við vanda sem steðjar að bæjarbúum og þegar upp er staðið er öllum ljóst að ekki er rétt að dæma menn og skepnur eftir ytra útliti. Bókin er prýdd litmyndum eftir Búa Kristjánsson. Umfjöllun: Morgunblaðið 31.10. 1989, Jenna Jensdóttir; DV 9. 11. 1989, Anna Hildur Hildibrandsdóttir; Þjóðviljinn 8. 11. 1989, Árni Bergmann; Tíminn 9. 11. 1989, Sigríður Thorlacius.
Knáir krakkar Knáir krakkar er viðburðarík og spennandi bók ætluð börnum á aldrinum 8 - 12 ára. Hún gerist að vorlagi uppi í sveit. Söguhetjurnar þrjár, þau Lóa, Búi og Hrói taka þátt í sauðburði og fylgjast af áhuga með hreiðurgerð og varpi fuglanna. En ævintýrið bíður. Þau leggja upp í útilegu og dularfullir atburðir fara að gerast. Þetta er fyrsta bók höfundar sem starfaði þá við kennslu í grunnskóla. Bókin er skrifuð á auðlesnu máli, kaflar eru stuttir og atburðarás hröð. Ætlun höfundar var að hún gæti nýst þeim lesendum sem enn ráða ekki við löng og flókin orð. Auður Eysteinsdóttir myndskreytti bókina. Umfjöllun: Morgunbl. 18. 12. 1982, Jenna Jensdóttir. Víst er ég fullorðin Bókin gerist í smábæ úti á landi upp úr 1950. Á þeim tíma sátu stúlkur og vermdu bekki heilu böllin, allir bílstjórar með ábyrgðartilfinningu flautuðu fyrir horn og hver einasti kennari hljóp yfir "dónalega kaflann" í heilsufræðinni þó það væri eini kaflinn sem nemendur töldu sig einhverju varða. Þetta rifjar ýmislegt upp fyrir pabba og mömmu, jafnvel afa og ömmu. En hvað skyldi unglingur á slíku sögusviði eiga sameiginlegt með unglingnum í dag? Umfjöllun: Morgunbl. 8. 12. 1988, Jenna Jensdóttir; Þjóðviljinn 17. 12. 1988, Ólöf Pétursdóttir; Víkurblaðið 20. 12 1988, Jóhannes Sigurjónsson; DV 9. 1. 1989, Sigurður Helgason. Skuggarnir í fjallinu Sjórekið góss, kamarseta, bakteríudrepandi snúss, hættuleg hrekkjusvín og dularfullur tréfótur er meðal þess sem kemur við sögu í þessari bók. Sögusviðið er lítið þorp úti á landi á fimmta áratugnum og aðalpersónurnar eru Una og Sara og tvíburarnir Binni og Þórir. Bókin er lituð af bernskuminningum höfundar. Umfjöllun: Morgunbl. 18. 12. 1990, Súsanna Svavarsdóttir; Þjóðviljinn 12. 12. 1990, Ólöf Pétursdóttir; Víkurblaðið 19. 12 1990 (höf. ekki getið); DV 13. 12. 1990, Anna Hildur Hildibrandsdóttir; Tíminn 18. 12. 1990 Sigríður Thorlacius; Heima er best, síðu 375; Bolli Gústavsson Með bómull í skónum Bókin er sjálfstætt framhald bókarinnar Skuggarnir í fjallinu og bregður upp mynd af litríku lífi í litlu þorpi úti á landi um miðbik aldarinnar. Stundum þarf ekki mikið til að ímyndunaraflið fari á flug hjá krökkunum. Hrekkjusvín, draugar og ýmsar skrítnar skrúfur eru á stjái og svo kveður alvaran sér hljóðs þegar skriðan fellur á hesthúsið hans afa. Umfjöllun: Morgunbl. 8. 12. 1994, Sigrún Klara Hannesdóttir: DV 15. 12. 1994, Oddný Árnadóttir Fjársjóðurinn í Útsölum Spennandi ævintýrasaga fyrir börn og unglinga. Huldar og Björt eru vinir þótt þau séu ólík. En þegar breytingar verða í landinu þeirra felur skuggi á vináttuna. Aðeins eitt getur orðið til bjargar: þau verða að finna fjársjóðinn... Þegar bókin var skrifuð stóð stríðið í fyrrum Júgóslavíu yfir. Fréttir af þeim atburðum urðu höfundi hvatning til að skrifa hana. Myndir í bókinni eru eftir Hlín Gunnarsdóttur. Umfjöllun: DV 17. 12. 1992, Silja Aðalsteinsdóttir; Morgunbl. 23. 12. 1992 ,Sigrún Klara Hannesdóttir Olla og Pési Olla og Pési er saga með ævintýralegu ívafi. Hún gerist í Reykjavík. Olla elst upp hjá þremur sérvitrungum sem búa á síðasta bændabýlinu innan borgarmarkanna. Vandamál kemur upp sem fullorðna fólkið á erfitt með að ráða við. Þau standa ekki ein því að Skáldi, Málfríður og hesturinn Rauður leggja sitt af mörkum. Myndir eru eftir Búa Kristjánsson. Bókin hlaut verðlaun Skólamálaráðs Reykjavíkur árið 1988. Umfjöllun: Morgunbl. 28. 11. 1987, Jenna Jensdóttir; DV 2.12. 1987, Hildur Hermóðsdóttir; Þjóðviljinn 19. 12. 1987, Helga K. Einarsdóttir
Þokugaldur Valný er 16 ára og nýflutt til Íslands eftir langa dvöl í Svíþjóð. Hún saknar gömlu vinanna og henni líður illa á nýja staðnum. Það er ekki fyrr en hún villist í þoku uppi í fjalli og hittir Friðrik sem hlutirnir fara að breytast ... Tæpum tveimur öldum fyrr villtist önnur stúlka á sama stað og á undarlegan hátt kynnist Valný sögu hennar og uppgötvar að ýmislegt tengir þær. Báðar eru þær sjálfstæðar og þrjóskar og báðar þurfa að taka stórar ákvarðanir um framtíð sína. Þjóðsaga sem Þorsteinn Erlingsson skráði varð höfundi kveikja að bókinni. Þokugaldur er skrifuð fyrir unglinga og ungt fólk. Umfjöllun: Morgunbl. 10. 12. 1996 Sigrún Klara Hannesdóttir; DV 17. 12. 1996 Margrét Tryggvadóttir Er allt að verða vitlaust? Flóki, Hilda, Arnar og Olga eru í 7. H. og eru ýmsu vön. Þeim stendur þó ekki á sama um yfirganginn í töffaraliðinu í 9. bekk. Einn daginn halda þau að nú sé öllum hremmingum lokið og líður eins og stórstjörnum en það reynist skammgóður vermir. Fólk á sambýli fyrir aldraða kemur töluvert við sögu og brugðið er upp mynd af lífi drengs sem var ungur seint á 19. öld. Þetta er fyndin og raunsæ saga úr umhverfi sem flestir unglingar þekkja. Umfjöllun: Morgunbl 26. 11. 1993, Sigrún Klara Hannesdóttir; DV 30. 11. 1993 Silja Aðalsteinsdóttir Snuðra og TuðraBókunum um systurnar Snuðru og Tuðru fjölgar sífellt. Snuðra og Tuðra eru óþekktarangar sem læra eingöngu af reynslunni. Í hverri bók læra þær eitthvað nýtt. Bækurnar eru feykivinsælar hjá yngstu kynslóðinni enda fá allir góðan samanburð þegar tiltæki þeirra systra eru annars vegar. Sjónvarpsþættir hafa verið gerðir um flestar bókanna og leikrit samið upp úr nokkrum þeirra. Gunnar Karlsson myndskreytti tíu fyrstu bækurnar en Anna Cynthia Leplar þá elleftu og tólftu. Umfjöllun: Morgunbl. 12. 12. 1991, Sigrún Klara Hannesdóttir; DV 23. 12. 1991, Sigurður Helgason. Morgunblaðið 20. 12. 2002, Hildur Loftsdóttir Snuðra og Tuðra verða vinir Iðunn, Reykjavík 1991 Snuðra og Tuðra í búðarferð Iðunn, Reykjavík 1991 Snuðra og Tuðra fara í strætó Iðunn, Reykjavík 1991 Snuðra og Tuðra í miðbænum Iðunn, Reykjavík 1991 Snuðra og Tuðra missa af matnum Iðunn, Reykjavík 1991 Snuðra og Tuðra halda jól Iðunn, Reykjavík 1992 Snuðra og Tuðra eiga afmæli Iðunn, Reykjavík 1992 Snuðra og Tuðra laga til í skápnum Iðunn, Reykjavík 1992 Snuðra og Tuðra og fjóshaugurinn Iðunn, Reykjavík 1992 Snuðra og Tuðra láta gabba sig Iðunn, Reykjavík 1992 Snuðra og Tuðra í jólabakstri Salka, Reykjavík 2002 Snuðra og Tuðra fara til tannlæknis Salka, Reykjavík 2003 Snuðra og Tuðra laga til í herberginu sínu Salka, Reykjavík 2004 Nýtt 2004
|