@ infó   s&s

... BARÐSNESHLAUP ... HELLISFJARÐARHLAUP ... SKRÁNING ... BESTU TÍIMAR ... FRÉTTIR ... SÖGUR ... UMSAGNIR ... AÐSTANDENDUR ... SPURT & SVARAÐ ... MYNDIR ... VÍDJÓ ... PODCAST BARÐSNESBÍÓ Viðtal við Þorberg Barðsneskóng STYRKTARAÐILAR Fjölmargir koma að skipulagningu Barðsneshlaupsins. Hér eru nefndir helstu styrktaraðilarnir: Íslandsbanki Rúmfatalagerinn SÚN Fjarðasport Neistaflug Ölgerðin Björgunarsveitin Gerpir Hlaup.is Sundlaugin í Neskaupstað SAGAN Byggð um Suðurbæi, Viðfjörð og Hellisfjörð fór í eyði fyrir og um 1955. Bæjaröðin er þessi: Barðsnes, Gerði (Barðsnesgerði), Gerðisstekkur, Stuðlar, Borg, Viðfjörður, Hellisfjörður og Sveinsstaðir í Hellisfirði og liggur hlaupaleiðin um tún flestra eyðibýlanna. Í Viðfirði var áður höfuðból og mjög reimt. Þar stendur reisulegur bær frá 1938 sem Guðjón Samúelsson arkitekt teiknaði. Þjóðleiðin til Neskaupstaðar lá yfir Dys og út í Viðfjörð til 1949 en þá var lagður vegur yfir Oddsskarð. Voru bílar og farþegar ferjaðir með bát frá Viðfirði til Neskaupstaðar. Barðsnesfréttir 3. ágúst 2010 Fjörlegt fjórtánda hlaup: Þoka tefur start og bíll hlaupara Barðsnes- og Hellisfjarðarhlaup voru þreytt um fjörur, holt og móa Norðfjarðarflóa laugardaginn 31. ágúst um verslunarmannahelgina síðastliðnu. Þátttaka var ágæt að þessu sinni, en 42 hlauparar skiluðu sér í mark í 27 km Barðsneshlaupi og 20 hlauparar í 13 km Hellisfjarðarhlaupi sem nú var hlaupið í fimmta skipti. Það var Reyðfirðingurinn Valur Þórsson sem fyrstur kom í mark í Barðsneshlaupi á tímanum 2:16:45, en Rigmor Napóleonsdóttir var fyrst kvenna á tímanum 2:38:30. Í Hellisfjarðarhlaupi var Ránar Jónsson fyrstur á tímanum 1:02:16, en Ragnheiður Þórarinsdóttir fyrst kvenna á tímanum 1:10:35. Það helst bar til tíðinda þetta árið að þoka tafði fyrir Barðsneshlaupurum þegar siglt var með þátttakendur á slöngubát björgundarsveitarinnar Gerpis út í Barðsnes, en einnig vildi svo óheppilega til að bíll keyrði utan í hlaupara á síðasta legg hlaupsins á malbikinu inn í Neskaupstað. Frétt á Ruv.is hljóðar svona: Austfjarðaþokan lætur ekki að sér hæða. Seinkun varð á Barðsneshlaupinu, sem er hluti Neistaflugshátíðarinnar í Neskaupstað, því bátur sem sá um að ferja keppendur yfir Norðfjarðarflóann, lenti á villigötum í þokunni. Allir komust þó yfir og enginn villtist á sprettinum til Neskaupstaðar. Keppandi í Barðsneshlaupinu við Norðfjörð, sem varð fyrir bíl í gær, lauk hlaupinu. Hann fór hins vegar á sjúkrahúsið að því loknu, og þá kom í ljós að hann var með skorinn vöðva og brot úr bílljósinu í lærinu. Hann verður á sjúkrahúsinu til morguns. Aðstandendur Barðsenshlaupsins óska öllum þátttakendum til hamingju með hlaupin, þakka þeim fyrir þátttökuna þetta árið og vona að þeir verði með að ári. > Tímar í Barðsnes- og Hellisfjarðarhlaupi eru á Hlaup.is > Myndir frá hlaupinu í ár má sjá í vefgallerýi Jóns Guðmundssonar og á Flickr síðu Steinunnar Þóru Einarsdóttur > Hlusta á viðtal við Norðfirðinginn Pjetur St. Arason sem varð fyrir bíl en kláraði samt hlaupið með brot af bílljósi í lærinu > Lesa blogg um hlaupið þetta árið Bestu tímar síðustu ára BARÐSNESHLAUP 27 km 1:57:55 Þorbergur Ingi Jónsson (2007) - Brautarmet karla 2:08:03 Valur Þórsson (2005) 2:09:00 Halldór Hermann Jónsson (2007) 2:12:28 Kári Steinn Karlsson (2006) 2:13:35 Guðmann Elísson (2003) 2:16:55 Sigurður P Sigmundsson (2001) 2:18:20 Ingvar Haukur Guðmundsson (2007) 2:19:12 Sveinn Ásgeirsson (2003) 2:22:29 Trausti Valdimarsson (2003) 2:23:08 Stefán Sigtryggsson (2006) 2:38:30 Rigmor Napóleonsdóttir (2010) - Brautarmet kvenna 2:39:23 Hjálmdís Tómasdóttir (2001) 2:42:20 Rannveig Oddsdóttir (2009) 2:45:00 Björg Árnadóttir (2008) 3:00:48 Helga Björnsdóttir (2003) 3:10:50 Brynhildur Sigurðardóttir (2006) HELLISFJARÐARHLAUP 13 km 59:17 Bjartmar Örnuson (2007) - Brautarmet karla 59:20 Vignir Már Lýðsson (2007) 1:02:16 Ránar Jónsson (2010) 1:05:49 Sævar Örn Harðarson (2007) 1:07:27 Jón Gunnar Eysteinsson (2008) 1:09:00 Kristján Skúli Ásgeirsson (2009) 1:28:44 Arnar Björnsson (2006) 1:10:35 Ragnheiður Þórarinsdóttir (2010) 1:16:38 Hulda Elma Eysteinsdóttir (2009) 1:18:39 Herdís Helga Arnalds (2006) 1:22:00 Þórfríður Þórarinsdóttir (2008) 1:31:11 Þórfríður Þórarinsdóttir (2007) 2. júlí 2010 Fjórtánda hlaupið 31. júlí 2010 Barðsneshlaup er í ár þátttakandi í samstarfsverkefninu Hlauparöð 66 Norður ásamt Úlfljótsvatnshlaupi, Þorvaldsdalsskokki, Vesturgötunni og Jökulsárhlaupi. Mun 66N veita verðlaun fyrstu 3 konum og körlum, en auk þess verða að loknu Barðsneshlaupi dregin útdráttarverðlaun úr potti með nöfnum hlaupara allra hlaupanna og eiga þeir þar mesta möguleika sem hafa tekið þátt í flestum fyrrnefndum hlaupum í fullri lengd. Skráning í Barðsneshlaup og Hellisfjarðarhlaup fer fram á Hlaup.is. Þátttökugjöld eru óbreytt frá fyrra ári: Barðsneshlaup 27 km kostar kr. 3000 fram til 20. júlí, en eftir það kr. 4000 allt til kl. 16:00 þann 30. júlí. Hellisfjarðarhlaup 13 km kostar kr. 2000 til 20. júlí. Eftir það 3000 kr. Hótel Capitano býður Barðsneshlaupurum góðan afslátt af gistingu sem fyrr. > Lesa meira um skráningu í hlaupin. 9. mars 2010 Myndir frá 2009 Nokkrar myndir eru komnar úr Barðsneshlaupinu 2009, nánar tiltekið frá því er seinna hollið startaði. Endilega sendið okkur myndir ef þið eigið. > Skoða myndir 5. ágúst 2009 Metþátttaka í Barðsneshlaupi Barðsnes og Rauðubjörg Mynd eftir Jónínu Hörpu Njálsdóttur Barðsnes- og Hellisfjarðarhlaup var hlaupið að vanda á laugardaginn um verslunarmannahelgi á Neistaflugi í Neskaupstað. Þetta var þrettánda hlaupið og það fjölmennasta til þessa: 40 hlauparar komu víða að og hlupu 27 km. Fimmtán hlupu hins vegar Hellisfjarðarhlaup. Veður var dágott; hvorki of heitt né kalt, en brautin blaut. Fyrstur í mark var Stefán Sigtryggsson á 02:29:38, en hin þrautvana Rannveig Oddsdóttir setti nýtt brautarmet kvenna á 02:42:20. Aðstandendur hlaupsins óska öllum þátttakendum til hamingju með hlaupið og þakka öllum starfsmönnum hlaupsins fyrir þeirra framlag - ekki síst liðsmönnum Björgunarsveitarinnar Gerpis sem fór heilar fjórar ferðir með hlaupara út í Barðsnes. > Tímar í Barðsneshlaupi 2009 eru á Hlaup.is 30. júlí 2009 13. Barðsneshlaupið framundan Nú styttist heldur betur í Barðsnes- og Hellisfjarðarhlaup og eins gott að hvíla lúin og vel æfð beinin fyrir átökin á laugardags-morguninn næskomandi. Fyrra hollið í Barðsneshlaupi startar kl. 10 (þeir sem hlaupa þetta á yfir 3 tímum), það síðara kl. 11 - á sama tíma og Hellisfjarðarhlauparar sem hlaupa 13 km. Muna svo að skrá sig fyrir kl. 16 föstudaginn 31. júlí. Ekki er hægt að skrá sig á bryggjunni eins og hingað til. 29. júlí 2009 Íslandsbanki styrkir Útibú Íslandsbanka á Norðfirði hefur gerst aðalstyrktaraðili Barðsneshlaupsins. Er það vel og sýnir að bankinn hleypur í takti við fólkið í landinu og okkur sem höfum yndi af því að hlaupa um mýrar, fjörur, fjalllendi og móa Norðfjarðarflóans. Aðstandendur hlaupsins þakka fyrir sig. 29. júlí 2009 Kvikmynd um Barðsneshlaupið Föstudagskvöldið 31. júlí kl. 20:00 verður forsýning á heimildar-kvikmyndinni BARÐSNES í húsnæði Björgunarsveitarinnar Gerpis að Nesgötu 4 í Neskaupstað. BARÐSNES er kvikmynd eftir þá Kristin Pétursson og Jón Knút Ásmundsson og fjallar um Barðsneshlaupið og stofnanda þess, Ingólf Sveinsson, hlauparana og náttúru Norðfjarðarflóans. Kvikmyndin tekur tæplega eina klst. í sýningu, allir eru velkomnir og er aðgangur ókeypis. 10. júlí 2009 Skráning í hlaup Búið er að opna fyrir skráningu í Barðsnes- og Hellisfjarðarhlaup sem fara fram laugardaginn 1. ágúst um verslunarmannahelgina næstu. Hægt er að skrá sig á Hlaup.is til kl. 16:00 föstudaginn 31. júlí og greiða þátttökugjald með greiðslukorti. Þeir sem vilja greiða með millifærslu geta það einnig, en skrá sig þá með tölvupósti. > Lesa meira um skráningu í hlaup 8. júlí 2009 Færeyingar boðnir velkomnir - frítt! Ákveðið hefur verið að bjóða Færeyingum sem sérstaklega velkomnum gestum að taka þátt í hlaupinu þetta árið. Allir Færeyingar fá frítt í Barðsnes- og Hellisfjarðarhlaup, en auk þess hefur Magni Kristinsson á Hótel Capitano boðið fría gistingu í þremur herbergjum fyrir færeyska hlaupara ( 6 rúm). Þetta er hugsað sem þakklætisvottur fyrir vináttu og höfðingsskap Færeyinga þegar þeir óbeðnir réttu okkur myndarlegt og hagstætt lán fyrst eftir efnahagshrunið í haust þegar aðrar þjóðir vildu lítið við okkur tala. Þeir eru klassafólk, góðir grannar og náskyldir okkur að fornu og nýju, ekki síst Austfirðingum. Og svo viljum við gjarnan fleiri góða ferðamenn austur. > Meira um gistingu á Hótel Capitano Ingólfur Sveinsson í viðtali úti í Barðsnesi daginn fyrir hlaupið 2007. 26. júní 2009 Podcast Nú er unnið að því hörðum höndum að klippa efni sem tekið var upp í Barðsneshlaupinu 2007. Ef allt gengur eftir verður heimildarmyndin um hlaupið sýnd í Neskaupstað um verslunarmannahelgina næstu. Meðal efnis í kvikmyndinni er viðtal við Ingólf Sveinsson forsprakka hlaupsins. Eitt af því sem ekki verður notað er skemmtileg og fróðleg lýsing hans á leiðinni sem hlaupin er. Þetta er hins vegar stórgott útvarpsefni og því er þessi frásögn Ingólfs gerð aðgengileg hér. Meira 22. maí 2009 Barðsnes nálgast: Enn tími til æfinga Nú eru rúmir tveir mánuðir í Barðsneshlaup og enn nægur tími fyrir hlaupara að koma sér í gott hlaupaform fyrir Barðsnes- eða Hellisfjarðarhlaup. Innan skamms verða settar inn á vefinn upplýsingar um hlaupin sem fram fara í Norðfirði laugardaginn 1. ágúst - á Neistaflugi sem fyrr. 23. ágúst 2008 Þorbergur enn á ferð Reykvíkingar og nærsveitungar sprettu úr spori í dag (og þeir utanbæungar sem nennu höfðu að mæta á þennan fyrsta lið menningarnætur í höfuðstaðnum) í 3ja, 10, hálfu- og heilmaraþoni - að ógleymdu Latabæjarhlaupi - í bankahlaupinu mikla. Hlaupið var í sannkölluðu Barðsnesveðri; 12 stiga hita, yfirvofandi súld og logni. Methafi Barðsneshlaupsins og Íslandsmeistari 10 kílómetranna, Þorbergur Ingi, var þarna mættur og hljóp hálft maraþon. Skemmst er frá því að segja að okkar maður varð fyrstur Íslendinga í mark á tímanum 01:13:16. Þorbergur bar nokkuð af löndum sínum, því hann var annar í hlaupinu en næsti Íslendingur var í 5ta sæti. Við óskum Þorbergi til hamingju og treystum því að hann mæti í næsta Barðsneshlaup. 18. ágúst 2008 Myndir Vefstjóri hefur komið upp myndasíðu, en því miður eru aðeins gamlar myndir í boði enn um sinn því honum hafa engar nýrri borist. Hann ítrekar því enn og skorar á hlaupara og/eða aðstandendur þeirra að senda inn myndir. > Sjá myndir hér 5. ágúst 2008 Fjöldi hlaupara aldrei meiri Barðsneshlaupið fór fram á laugardaginn 2. ágúst við ágætar aðstæður. Metþátttaka var í hlaupinu, en 37 hlupu heilt hlaup, þ.e. 27 km frá Barðsnesi, og 20 hlupu 13 km frá Hellisfirði. Allir keppendur komust í mark og margir að hlaupa í fyrsta sinn og að sögn mjög hrifnir af hlaupinu og hlaupaleiðinni. Sigurvegari í ár er Norðfirðingurinn Valur Þórsson, en Valur var einn af fjölmörgum brottfluttum Norðfirðingum sem tóku þátt að þessu sinni. Þorbergur Jónsson Barðsneskóngur var ekki með í ár , enda staddur erlendis. Hann náði sínum besta tíma á síðasta ári, rétt undir tveimur tímum, en tími Vals núna var tveir tímar og tíu mínutur. Sjá má viðtal við Þorberg hér í vefnum. Undirbúningsnefnd hlaupsins þakkar þátttakendum fyrir gott samstarf og skemmtilega keppni. Þá vill hún þakka starfsmönnum, styrktaraðilum, Sævari Hreinssyni og Björgunarsveitinni Gerpi kærlegar fyrir alla aðstoð, enda aðkoma þessara aðila forsenda þess að hægt sé að bjóða upp á Barðsnes- og Hellisfjarðarhlaup með þeim hætti sem gert er ár hvert um verslunarmannahelgi. 2. ágúst 2008 Metskráning, ekkert annað! 12. hlaupið Þetta verður ekki leiðinlegt hlaup í dag. Aldrei fleiri skráðir og lítur út fyrir fullkomið hlaupaveður. Góða ferð og góða skemmtun! 31. júlí 2008 Fjölmargir búnir að skrá sig Nú eru aðeins tveir dagar í Barðsneshlaup. Skráning hefur tekið mikinn kipp þessa vikuna og stefnir allt í mjög góða þátttöku í hvort tveggja Barðsnes- og Hellisfjarðarhlaupi. Hlauparar koma víða að: Bandaríkjunum, Þýskalandi, Lúxemborg ... og meira að segja Kópavogi. Vefstjóri vekur athygli á viðtali við Þorberg Inga Barðsnesmethafa sem nýkomið er í vefinn. Viðtalið er úr væntanlegri kvikmynd Kristins Péturssonar um hlaupið. Sjá hér 4. júlí 2008 Barðsnesið bíður! Barðsneshlaup fer venju samkvæmt fram á laugardegi um verslunarmannahelgi. Hver einasti langhlaupari með vott af sjálfsvirðingu lætur ekki hjá líða í sínu lífshlaupi að taka a.m.k. einu sinni þátt í hinu fjörlega 27 km fjöru- og fjallahlaupi sem byrjar úti á miðju Barðsnesi, liggur um þrjá firði og endar inni í miðjum bæ Neskaupstaðar. Fæstir láta eitt hlaup nægja! Semsagt: Barðsnes- og Hellisfjarðarhlaup fara fram að morgni laugardagsins 2. ágúst n.k. Meira Barðsneshlaupið er óvenju fjölbreytt og skemmtilegt hlaup sem breiður hópur fólks á öllum aldri getur tekið þátt í, því þú getur hlaupið eins og þú eigir lífið að leysa eða bara gengið og skokkað á víxl; hvort tveggja skilar þér örugglega í mark samdægurs (óþarfi að taka tjaldið með!). Vertu til þegar Barðsnesið kallar á þig 2. ágúst 2008! > Lestu meira um hlaupið í Spurt og svarað 7. ágúst 2007 Nýtt met í Barðsneshlaupi: tvegga stunda múrinn hruninn! Barðsneshlaup og Hellisfjarðarhlaup voru hlaupin laugardaginn 4. ágúst s.l. í mildu veðri. Aldrei áður hafa jafn margir tekið þátt; 28 hlauparar voru skráðir í og luku Barðsneshlaupi; 13 hlauparar í Hellisfjarðarhlaup. Tólf hlupu Barðsnes undir þremur tímum. > Sjá tímana úr 13 km og 27 km > Sjá kynningu á heimildarmynd í vinnslu Helst bar til tíðinda í þessu 11. Barðsneshlaupi að Norðfirðingurinn þindarlausi, Þorbergur Ingi, bætti tíma sinn um tvær og hálfa mínútu eða svo og komst þar með vel undir tveggja stunda múrinn sem daginn áður virtist ætla að standa mun lengur, alltént samkvæmt viðtali vefstjóra við hlauparann. Tími Þorbergs er svo góður að ætla mætti að hann standi hér eftir - mætti, segi ég, því fast á hæla Þorbergs kom yngri bróðir hans og tók annað sætið örugglega. Bróðirinn Halldór var á mun betri tíma en sá eldri skilaði í sínu fyrsta hlaupi, en þetta var hans fyrsta hlaup og segir aðspurður að það verði líka það síðasta. Við sjáum til með það. Í MARK Á NÝJU METI Aðspurður eftir hlaupið sagðist Þorbegur hafa stillt úrið sitt þannig að það pípti ef hann missti tempóið í hlaupinu upp fyrir tvo tímana. Úrið gerði sitt og Þorbergur gott betur; kom í mark á einni klst og tæpum 58 mínútum! Þróunin í hlaupum Þorbergs: 2007: 1:57:55 2006: 2:03:58 2005: 2:00:29 2004: 2:02:28 2003: hljóp ekki 2002: 2:09:35 2001: 2:12:49 18. júlí 2007 Skráðu þig í hlaupin hér í vefnum og sparaðu pening! Búið er að virkja netskráningu í Barðsneshlaup og Hellisfjarðarhlaup. Þú sparar pening með því að skrá þig á netinu og greiða þátttökugjald með millifærslu eigi síðar en degi fyrir hlaup. Nú er líka hægt að senda aðstandendum hlaupsins póst beint úr vefnum. > Skoða skráningu í Barðsneshlaup > Senda Barðsnesingum póst 27. júní 2007 Nýtt efni í Barðsnesvefinn Vefstjóri hefur tekið saman síðu sem inniheldur nokkrar spurningar sem kunna að brenna á hlaupurum og náttúrlega svör við þeim > Sjá Q&A í hausi vefjarins. Hlauparar og aðrir áhugamenn eru hvattir til að leggja inn fleiri spurningar. Einnig er komin inn síða um gistingu í Neskaupstað og væntanleg er samantekt á 30 bestu tímum í Barðsneshlaupi. 23. júní 2007 Nú er að herða æfingar! Jæja, nú líður að Barðsneshlaupi 2007. Við minnum á að nú verður öðru sinni boðið upp á s.k. Hellisfjarðarhlaup sem er um 13 km og því u.þ.b. hálft Barðsneshlaup. Styttri hlaup verða ekki í boði. Innan skamms verður hægt að ganga frá skráningu hér í vefnum. Skipulag hlaupanna verður annars sem hér segir: Barðsneshlaup 27 km Laugardagur, 4. ágúst. Startað í tveimur hollum, þ.e. kl. 10 (bátur til Barðsness kl. 9) og kl. 11 (bátur bátur til Barðsness kl. 10). Hellisfjarðarhlaup 13 km Laugardagur, 4. ágúst. Tími og bátur gefið upp síðar. 5. apríl 2007 Nu snakker vi dansk! Barðsneshlaupið er komið á kortið hjá ævintýragjörnum hlaupurum út um allan heim og því verður Barðsnesvefurinn að gera sig skiljanlegan á sem flestum tungum. Við höfum því tekið saman upplýsingar um hlaupið á dönsku. > Læs om Bardsneshlaup 7. nóvember 2006 Umfjöllun í sænska Runner's World Barðsneshlaupið er að komast á kortið hjá ævintýragjörnum hlaupurum hér og þar í heiminum. Að minnsta kosti hjá frændum vorum í Skandinavíu. Vefstjóra barst fyrirspurn frá sænskum hlaupara sem hafði lesið um hlaupið í sænsku útgáfunni af Runner's World. Var hann umsvifalaust fenginn til að senda okkur greinina og fær hér góðar þakkir fyrir. > Lesa greinina: Barðsneshlaup: Ett Islendskt eventyr > Sjá forsíðu Runner's World 25. október 2006 Um Barðsneshlaupið á ensku Nokkuð hefur verið um fyrirspurnir erlendis frá um Barðsneshlaupið. Staðið hefur til að setja upp kynningu á hlaupinu á ensku og nú hefur loksins orðið úr því: komin stutt kynning sem vonandi verður ítarlegri þegar þýðingardeildin er farin að skila fullum afköstum. > Read about the Bardsnes off road run TILBÚIN Í HLAUPIÐ Keppendur í 13 km hlaupi - hálfu Barðsneshlaupi - við upphaf hlaups í fagurri náttúru Hellisfjarðar. 7. ágúst 2006 Góð mæting í Barðsneshlaup Barðneshlaup var hlaupið í tíunda sinn laugardaginn 5. ágúst síðastliðinn. Hlaupið tókst í alla staði vel og var þátttaka góð. Hlýtt var í veðri en sólin spör á geisla sína. Sem sagt, hið hentugasta veður til langhlaupa. Það var heimamaðurinn þindarlausi, Þorbergur Jónsson, sem sigraði að vanda. Honum tókst þó ekki að bæta tíma sinn frá 2005 (2:00:29) og því eiga hlauparar landsins enn það skemmtilega og ögrandi verkefni eftir að sigrast á tveggja tíma múrnum. Það voru 26 hlauparar sem luku hlaupi, en hér fyrir neðan má sjá tíma þeirra. Tímaverðir voru þær Þorbjörg Traustadóttir og Guðrún Ásgeirsdóttir, en Jón Einar Marteinsson sá um tímaskráningu. Minni á að ekki er seinna vænna en að fara að leggja drög að hlaupinu næsta sumar, þann 4. ágúst 2007! Kveðja, vefstjóri 2. ágúst 2006 Tíunda Barðsneshlaupið Nú er komið að því að Barðsneshlaup verði hlaupið í tíunda sinn. Barðsneshlaup er 27 km víðavangshlaup frá Barðsnesi, sunnan Norðfjarðarflóa til Neskaupstaðar um firðina þrjá sem ganga inn úr flóanum, það er Viðfjörð, Hellisfjörð og Norðfjörð. Björgunarsveitin Gerpir ferjar þátttakendur frá Neskaupstað að Barðsnesi, aðstoðar og fylgist með frá sjó. Læknar og hjúkrunarfólk Fjórðungssjúkrahússins í Neskaupstað annast heilsugæslu. Tvö hlaup í boði Að þessu sinni verða tvær vegalengdir í boði um sömu brautina. Fyrst er það að sjálfsögðu Barðsneshlaupið með sína 27 km, en síðan er nú í fyrsta skipti boðið upp á 13 km hlaup sem kemur í staðinn fyrir 10 km hlaupið sem hingað til hefur verið hlaupið inni í bænum. Nú verða sem sagt hlaupnir 13 km og hefst hlaupið í Hellisfirði. Hlauparar verða ferjaðir frá Bæjarbryggjunni, en hlauparar eru beðnir um að athuga með tímasetningu hlaupsins hjá skipuleggjendum. BARÐSNESHLAUP 27 km, laugard, 5. ágúst, bátur kl. 9 og 10, start á Barðsnesi kl. 10 og 11. HELLISFJARÐARHLAUP 13 km, laugard. 5. ágúst, tímasetning báts og hlaups uppgefið á staðnum. Ræsing Barðsneshlaupið fer fram laugardaginn 5. ágúst og hefst á Barðsnesi. Ræsing hlaupsins er tvískipt. Þeir hlauparar sem reikna með að ljúka hlaupi á þremur klst. eða þar yfir verða ræstir kl.10.00. Hinir sem reikna með að ljúka hlaupi á innan við þremur klst. verða ræstir kl. 11.00. Þessi tvískipting hefur gefið góða raun og gerir hlaupið skemmtilegra bæði fyrir þátttakendur og þá sem fylgjast með því hlauparar koma þá í mark á svipuðum tíma. Fyrirkomulag Þar sem startað er í tveimur hollum er fyrri hópurinn ferjaður frá Bæjarbryggjunni í Neskaupstað yfir að Barðsnesi kl. 9, en síðari hópurinn kl. 10. Þátttökugjald og verðlaun Þátttökugjald er kr. 2000 fyrir þá sem skrá sig fyrir hádegi á föstudag, 4. ágúst, en annars kr. 3000 og greiðist á Bæjarbryggjunni þaðan sem ferjað er yfir á Barðsnes. Farandbikar er veittur fyrir bestan árangur kvenna og karla í hlaupinu. Útdráttarverðlaun eru einnig veitt. Aldursflokkaskipting er um 40 og 60 ára aldur. Bikar gefinn til minningar um Norðfirðinginn Bassa í Garði veitist þeirri sveit kvenna, karla eða blandaðri sveit sem hefur bestan tíma í hlaupinu samanlagt. Meðal útdráttarverðlauna er kvöldverðarhlaðborð fyrir tvo í Gistihúsinu á Egilsstöðum sem stendur við Lagarfljót. Einnig þríréttuð máltíð fyrir tvo á Hótel Eddu í Neskaupstað. Þar er ágætt útsýni yfir fjörðinn og stóran hluta af hlaupaleiðinni. 1. ágúst 2006 Barðnesvefurinn fær nýtt útlit Vefur Barðsneshlaupsins hefur nú fengið nýtt útlit. Það er Kristinn Pétursson hjá MÍNERVU - miðlun og útgáfu sem hefur fært vefinn í nýjan búning og mun hann einnig annast ritstjórn vefjarins. Verður nú meira lagt upp úr því að hafa ýmiskonar fróðleik um hlaupið í vefnum. TÍMARNIR Tímar í Barðsnes- og Hellisfjarðar- hlaupi 2001 til 2012: velja ár 2001 2002 2003 2004 2005 2006 2007 2008 2009 2010 2011 2012 BARDSNES OFF ROAD RUN The Bardsnes off road run is an annual 27 km adventure race in East-Iceland, held in and around the town of Neskaup-stadur the first Saturday in August. Read more FRÉTTIR 7. ágúst 2007 Nýtt met í Barðsneshlaupi: tvegga stunda múrinn hruninn! Barðsneshlaup og Hellisfjarðarhlaup voru hlaupin laugardaginn 4. ágúst s.l. í mildu veðri. Aldrei áður hafa jafn margir tekið þátt; 28 hlauparar voru skráðir í og luku Barðsneshlaupi; 13 hlauparar í Hellisfjarðarhlaup. Tólf hlupu Barðsnes undir þremur tímum. Meira SÖGUR ÚR HLAUPINU „Sjö km inn í Viðfjörð, sex inn í Hellisfjörð, þó nokkrir km upp Götuhjallann og þaðan hellingur í bæinn. Svona skiptir maður leiðinni upp og reynir að áætla hversu hratt megi hlaupa svo maður drífi alla leið.“ Lesa UMSAGNIR „Það voru þreyttir en ánægðir menn sem báru saman bækur sínar í heitu pottunum að hlaupi loknu. Var það almennur rómur okkar, sem vorum að þreyta þetta hlaup í fyrsta sinni, að þetta væri eitthvert skemmtilegasta og fjölbreyttasta hlaup sem við hefðum tekið þátt í.“ Meira HAGNÝTAR UPPLÝSINGAR Gisting Tvö hótel eru í Neskaupstað, en einnig ókeypis tjaldsvæði með ágætri þjónustu. Hótel Capitano býður Barðsneshlaupurum sérstakan afslátt af gistingu. Meira Vefhönnun & umsjón: MÍNERVA - miðlun og útgáfa | vefstjóri: kristinn@minervamidlun.is Vertu vinur Barðsneshlaupsins á Facebook