Launabreytingar

Ný launatafla tekur gildi frá 1. apríl 2019
Launahækkanir samningsins eru allar í formi krónutöluhækkana á mánaðarlaun. Með mánaðarlaunum er átt við föst mánaðarlaun fyrir dagvinnu.

Almenn hækkun mánaðarlauna fyrir fullt starf

1. apríl 2019:    17.000 kr.
1. apríl 2020:    18.000 kr.
1. janúar 2021:  15.750 kr.
1. janúar 2022:  17.250 kr.

1. nóvember 33.000 kr
Kjaratengdir liðir kjarasamninga hækka um 5% frá 1. nóvember 2022, nema um annað hafi verið samið.

Launabreytingar á samningstímanum:

Launahækkun samningsins er í formi krónutöluhækkunar á mánaðarlaun. Með mánaðarlaunum er átt við föst mánaðarlaun fyrir fullt starf í dagvinnu. Hópferðabifreiðastjórar taka laun skv. sömu launaflokkum og SA/SGS og Flóa og fylgja sömu taxtabreytingum. (Launaflokkur hópferðabifreiðastjóra er nú launaflokkur 17 og breytist, eins og hann er á hverjum tíma):

Launataxtar Bsf. Sleipnis.

Launataflan hér fyrir neðan er birt samkvæmt ósk nokkurra fyrirtækja sem hafa greitt launþegum sýnum 10% álag á mánaðarlaun. Það skal tekið fram að þessi launatafla hefur ekki verið samþykkt af hálfu SA.

Launataxtabreytingar kauptaxta frá 1. apríl 2019

1. Apríl 2019.

Byrjunarlaun 310.559

1. ár 312.897

3. ár 315.272

5. ár 317.681

Launataxtabreytingar kauptaxta frá 1. apríl 2020

1. Apríl 2020.

Byrjunarlaun 334.559

1. ár 336.897

3. ár 339.272

5. ár 341.681

1. Janúar 2021.

Byrjunarlaun 358.559

1. ár 360.897

3. ár 363.272

5. ár 365.681

1. Janúar 2022.

Byrjunarlaun 383.559

1. ár 385.897

3. ár 388.272

5. ár 390.681

Deilitala.

Deilitala til útreiknings tímakaups er 173,33 deilt í mánaðarkaup.

Yfirvinna.

Yfirvinna á stórhátíðum.

Öll yfirvinna á stórhátíðardögum samkvæmt grein 2.4. greiðist með tímakaupi sem er 1,375% af mánaðarlaunum fyrir dagvinnu án vaktaálags. Þetta gildir ekki um reglubundna vinnu, þar sem vetrarfrí eru veitt samkvæmt sérstökum samningum vegna vinnu á umræddum dögum.

Útkall.

Reglur um kaupgreiðslur.

Útborgun launa skal fara fram fyrsta dag eftir að þeim mánuði lýkur, sem laun eru greidd fyrir. Beri útborgunardag upp á frídag, skal útborgun fara fram síðasta virka dag mánaðarins.

Fast mánaðarkaup.

1.8.5.

Samningar, sem gerðir eru milli vinnuveitenda og bifreiðastjóra og innihalda lakari kjör fyrir bifreiðastjóra, en samningur þessi tiltekur eru ógildir.

Desemberuppbót.

Desemberuppbót fyrir hvert almanaksár miðað við fullt starf er:
Á árinu 2019 kr. 92.000, á árinu 2020 kr. 94.000, á árinu 2021 kr. 96.000, á árinu 2022 kr. 98.000 og á árinu 2023 kr. 103.000.
Uppbótin greiðist eigi síðar en 15. desember ár hvert, miðað við starfshlutfall og starfstíma, öllum starfsmönnum sem verið hafa samfellt í starfi hjá atvinnurekanda í 12 vikur á síðustu 12 mánuðum eða eru í starfi í fyrstu viku desember. Heimilt er með samkomulagi við starfsmann að uppgjörstímabil sé frá 1. desember til 30. nóvember ár hvert í stað almanaksárs.

1.9.1.

Desember- og orlofsuppbót innifela orlof, eru fastar tölur og taka ekki breytingum skv. öðrum ákvæðum.
Áunna desember- og orlofsuppbót skal gera upp samhliða starfslokum verði þau fyrir gjalddaga uppbótanna.

Desemberuppbót að inniföldu orlofi greiðist sjálfstætt og án tengsla við laun.

Orlofsuppbót.

Orlofsuppbót fyrir hvert orlofsár (1.maí til 30. apríl) miðað við fullt starf er: Á orlofsárinu sem hefst 1. maí 2019 verði orlofsuppbót kr. 50.000, á orlofsárinu sem hefst 1. maí 2020 verði orlofsuppbót kr. 51.000, á orlofsárinu sem hefst 1. maí 2021 verði orlofsuppbót kr. 52.000, á orlofsárinu sem hefst 1. maí 2022 verði orlofsuppbót kr. 53.000 og á orlofsárinu sem hefst 1. maí 2023 verði orlofsuppbót kr. 56.000.
Uppbótin greiðist þann 1. júní miðað við starfshlutfall og starfstíma á orlofsárinu, öllum starfsmönnum sem verið hafa samfellt í starfi hjá atvinnurekanda í 12 vikur á síðustu 12 mánuðum m.v. 30. apríl eða eru í starfi 1. maí.

Ráðningarsamningar ráðningarbréf.

Sé bifreiðastjóri ráðinn til lengri tíma en eins mánaðar og að meðaltali lengur en átta klst. á viku, skal eigi síðar en tveim mánuðum eftir að starf hefst gerður skriflegur ráðningarsamningur eða ráðning staðfest skriflega. Láti bifreiðastjóri af störfum áður en tveggja mánaða frestinum lýkur, án þess að skriflegur ráðningarsamningur hafi verið gerður eða ráðning staðfest skriflega, skal slík staðfesting látin í té við starfslok.

Breytingar á ráðningarkjörum umfram það sem leiðir af lögum eða kjarasamningum skal staðfesta með sama hætti eigi síðar en mánuði eftir að þær koma til framkvæmda.

Að öðru leyti vísast til samkomulags SA og ASÍ um skriflega staðfestingu ráðningar.

Starfsmaður á rétt á viðtali við yfirmann einu sinni á ári um störf sín, þ.m.t. frammistöðu og markmið og hugsanlegar breytingar á starfskjörum. Óski starfsmaður eftir viðtali skal það veitt innan tveggja mánaða og liggi niðurstaða þess fyrir innan mánaðar.

Starfssvið.

Starfsmönnum er skylt, gegn hinu samningsbundna mánaðarkaupi, að vinna þau störf sem vinnuveitandi felur þeim og samrýmst geta starfsskyldum þeirra. Auk venjulegrar vinnu við stjórn tækis/bifreiðar er hér um að ræða störf sem lúta að viðhaldi á og utan verkstæðis. Þeir skulu þrífa tækin/bifreiðina, skipta um bilaða smáhluti, hjólbarða og gera annað það sem nauðsynlegt er til að tryggja rekstraröryggi bifreiðarinnar. Þegar ekki eru fyrir hendi verkefni, sem beint lúta að hefðbundnu starfssviði bifreiðastjóra, er vinnuveitenda og heimilt, í samráði við viðkomandi bifreiðastjóra, að fela honum önnur störf sem samrýmst geta starfshæfni hans og reynslu.

Ökumannskort.

Starfsmaður sem ráðinn er ótímabundið og unnið hefur þrjá mánuði hjá fyrirtæki á rétt á endurgreiðslu kostnaðar vegna lögbundinnar endurnýjunar ökumannskorts hér á landi, skv. reglugerð um ökurita og notkun hans. Hætti starfsmaður innan sex mánaða frá endurnýjun korts er heimilt að endurkrefja hann um útlagðan kostnað hlutfallslega miðað við starfstíma.