Matarhlé í ferðum skal vera 1/2 klukkustund á tímabilinu klukkan 12:00 til klukkan 14:00 samkvæmt dagvinnu, en sem næst miðri vakt í vaktavinnu og telst ekki til vinnutíma. Á útgerðarstað bifreiðar skal tilhögun matarhléa vera sama og þar tíðkast.

Kaffitímar skulu vera tveir, 15 og 20 mínútur að lengd á hverjum 8 klukkustunda vinnudegi.

Sé yfirvinna unnin fram yfir klukkan 21:00 skal vera matarhlé 1/2 klst. á tímabilinu klukkan 18:00 til klukkan 20:00 án frádráttar á kaupi.

Nýtist daglegur vinnutími ekki að fullu, er heimilt að telja hinn ónýtta tíma, sem greiðslu á kvöldmatarhléi.

Ennfremur verði matartími 1/2 klukkustund á tímabilinu klukkan 03:00 til klukkan 04:00.

Í yfirvinnu skulu vera tvö 15. mínútna kaffihlé klukkan 23:00 og klukkan 05:00 án frádráttar á kaupi.

Matartímar í yfirvinnu sem falla inn í vinnutímabil, reiknast sem vinnutímar, og séu þeir unnir skal greiða til viðbótar vinnutímanum 1/2 klukkustundir fyrir hvern.

Allir bílstjórar, sem ekki ná til heimila sinna í ferðum skulu fá frítt fæði og annan dvalar- og ferðakostnað.

Bifreiðastjórum í ferðum skal eftir föngum tryggð aðstaða til hvíldar á hvíldartímum. Sé um að ræða ferð þar sem um næturgistingu er að ræða skal bifreiðastjóra séð fyrir gistingu í eins manns herbergi með uppbúnu rúmi.

Það telst til dæmis ekki fullnægjandi aðstaða að gista í:

*Svefnpokaplássi.
*Tjaldi.
*Bifreið.
*Húsnæði sem að öðru jöfnu er ekki ætlað til gistingar.

Ef um er að ræða svefnpokagistingu í sér herbergi skal greiða hálfan gistikostnað samkvæmt neðanskráðu. Sé hvíldaraðstaða ekki fullnægjandi skal bifreiðastjóri fá greidda krónur 2.800.- ( júlí 2001) á nóttina og tekur sú fjárhæð sömu breytingum og verða á gistikostnaði innanlands samkvæmt úrskurði Ferðakostnaðarnefndar ríkisins.

Dagpeningagreiðslur til starfsmanna vegna ferða erlendis fylgi ákvörðunum Ferðakostnaðarnefndar ríkisins hafi fyrirtæki ekki sérstakar reglur um greiðslu ferðakostnaðar.