Bifreiðarstjórafélagið Sleipnir

2. Kafli. Tilgangur félagsins og markmið:

2.grein.

4. Kafli. Réttindi og skyldur félagsmanna, félagsgjöld, réttindamissir og brottrekstur:

Skyldur félagsmanna eru:
7.1. Að hlíta lögum félagsins, fundarsköpum, fundarsamþykktum og samningum í öllum greinum.
7.2. Að greiða félagsgjöld á réttum gjalddögum.
7.3. Að gegna trúnaðarstörfum fyrir félagið. Þó getur starfandi stjórnarmaður, sem verið hefur 3 ár eða lengur í stjórn félagsins samfellt, skorast undan endurkosningu í jafnlangan tíma. Hafi félagsmaður gegnt trúnaðarstarfi fyrir félagið í 3 ár eða lengur getur hann skorast undan endurkjöri.
7.4. Að stuðla að því að ófélagsbundnir menn gangi í félagið.

Ákvæði um félagsgjöld og réttindamissir:
8.1. Félagsgjöld eru ákveðin á aðalfundi.
8.2. Hver sá félagsmaður sem skuldar lögboðin gjöld til félagsins fyrir 6 mánuði eða meir nýtur ekki fullra félagsréttinda, svo sem atkvæðisrétt, kjörgengis né styrkja úr sjóðum félagsins. Félagsréttindi öðlast hann ekki á ný fyrr en skuldin er að fullu greidd.
8.3. Stjórn félagsins getur heimilað eftirgjöf á félagsgjaldi vegna sérstakra aðstæðna félagsmanna. Slík eftirgjöf gildir einungis í eitt ár í senn.
8.4. Þeir félagsmenn sem náð hafa 65 ára aldri og hafa greitt til félagsins samfellt í 10 ár eða meira skulu undanþegnir félagsgjöldum, en halda þó öllum þeim réttindum sem fullgildir félagsmenn væru. Þessi undanþága nær þó ekki til lögboðinna gjalda atvinnurekenda í sjúkra- og orlofssjóð félagsins.

Brottrekstur:
9.1. Ef félagsmaður er sakaður um brot á lögum félagsins skal málið tekið fyrir á stjórnarfundi, sem ákveður hvort veita skuli áminningu, beita fésektum eða víkja félagsmanni brott úr félaginu, með einföldum atkvæðameirihluta. Skjóta má þeim úrskurði til félagsfundar.
9.2. Hver sá maður er rækur úr félaginu í lengri eða skemmri tíma, sem að áliti félagsfundar hefur unnið gegn hagsmunum félagsins, bakað því tjón eða gert því eitthvað til vansa, sem ekki er álitið að bætt verði með fé, svo og hver sem ekki hlýðir lögum Bifreiðastjórafélagsins Sleipnis eftir gefna áminningu félagsfundar eða stjórnar.
9.3. Félagsfundur getur áminnt einstaka félagsmenn eða brottvikið félagsmanni úr félaginu. Félagsmaður getur vísað úrskurði félagsfundar til aðalfundar félagsins sem tekur lokaákvörðun um niðurstöðu félagsfundar. Úrskurður félagsfundar gildir þar til að aðalfundur ákveður annað.
9.4. Hafi félagsmanni verið vikið úr félaginu, á hann ekki afturkvæmt í félagið nema inntökubeiðni hans hafi verið samþykkt á lögmætum félagsfundi.

6. Kafli. Fundir stjórnarkjör og afgreiðsla kjarasamninga:

Félagsfundir:
12.1. Félagsfundir skulu haldnir þegar félagsstjórn álítur þess þörf eða minnst 1/10 hluti fullgildra félagsmanna óskar þess við stjórn félagsins og tilgreinir fundarefni.
12.2. Fundir skulu boðaðir með minnst viku fyrirvara með auglýsingu í útvarpi og/eða á vinnustöðum. Þó má í sambandi við vinnudeilur og verkfallsboðanir boða fund með skemmri fyrirvara. Fundur er lögmætur ef löglega er til hans boðað. Fundum félagsins skal stjórnað eftir almennum fundarsköpum. Ágreiningsatriði um fundarsköp úrskurðar fundarstjóri hverju sinni með rökstuddum úrskurði.
12.3. Óski félagsmaður eftir skriflegri atkvæðagreiðslu á félagsfundi er fundarstjóra skylt að verða við þeirri ósk.

Aðalfundir:
13.1. Aðalfundur félagsins skal haldinn í apríl ár hvert. Aðalfund skal boða með dagskrá, með 14 daga fyrirvara og er hann lögmætur ef löglega er til hans boðað.
13.2. Reikningar félagsins og lagabreytingatillögur, skulu liggja frammi á skrifstofu félagsins 14 dögum fyrir aðalfund.
13.3. Á aðalfundi skulu tekin fyrir þessi mál:
1. Skýrsla stjórnar fyrir liðið starfsár.
2. Endurskoðaðir reikningar félagsins lagðir fram til afgreiðslu.
3. Lagabreytingar ef fyrir liggja.
4. Kosning stjórnar og varastjórnar samkvæmt 10. og 14. grein laga félagsins.
5. Kosning trúnaðarráðs samkvæmt 11. gr. laga félagsins.
6. Kosning stjórnar og varastjórnar sjúkrasjóðs samanber 11. gr. reglugerðar sjúkrasjóðs.
7. Kosning stjórnar og varastjórnar orlofsheimilasjóðs samanber 2. gr. reglugerðar orlofssjóðs.
8. Kosning 2 endurskoðenda og 1 til vara fyrir sjóði félagsins.
9. Ákvörðun félagsgjalda.
10. Önnur mál.

14.1. Trúnaðarráð félagsins skal gera tillögur um menn í stjórn, varastjórn og aðal- og varamenn í trúnaðarráð samanber 11. og 14. grein þessara laga og í aðrar trúnaðarstöður hjá félaginu.
14.2. Skulu tillögur trúnaðarráðs liggja frammi hjá formanni og á skrifstofu félagsins 10 dögum fyrir aðalfund. Komi ekki aðrar tillögur fram, studdar 1/10 hluta fullgildra félagsmanna 7 dögum fyrir aðalfund eða krafa um allsherjaratkvæðagreiðslu eru tillögur trúnaðarráðs sjálfkjörnar og kjöri lýst á aðalfundi.
14.3. Komi fram krafa um allsherjaratkvæðagreiðslu skal farið eftir 15. grein þessara laga. Ákveði trúnaðarráð að gera ekki tillögur til aðalfundar skal kjósa á aðalfundi óhlutbundinni kosningu.
14.4. Kjósa skal sérstaklega formann til tveggja (2) ára í senn.
14.5. Meðstjórnendur skal einnig kjósa til tveggja (2) ára, þó þannig að á aðalfundi 2005 skulu tveir (2) meðstjórnendur kosnir til eins árs en að öðru leyti skal kosið í heild í hverja stjórn, nefnd eða ráð sem um getur í lögum þessum.
14.6. Varastjórnarmenn skulu kosnir til eins árs í senn og í ákveðinni röð. Geri trúnaðarráð tillögu um varamenn gildir hið sama.
14.7. Forfallist stjórnarmaður eða hættir störfum í stjórninni, skal formaður kveðja til varamann eftir þeirri röð sem þeir voru kosnir.

7. Kafli. Atkvæðagreiðslur:

8. Kafli. Fjármál:

16.1. Af tekjum félagsins skal greiða öll útgjöld þess, skatt til viðkomandi sambanda og annan kostnað, er stafar af samþykktum stjórnar eða félagsfunda. Við meiriháttar ráðstafanir á eigum félagsins þarf samþykki félagsfundar.
16.2. Tveir endurskoðendur skulu yfirfara reikninga félagsins fyrir liðið reikningsár og gera athugasemdir telji þeir þess þörf. Endurskoðendur eru kosnir á aðalfundi.
16.3. Sjóðir félagsins skulu vera:
1. Félagssjóður.
2. Sjúkrasjóður.
3. Orlofsheimilasjóður.
16.4. Heimilt er að stofna aðra sjóði svo sem: Vinnudeilusjóð, fræðslusjóð. Allir sjóðir félagsins aðrir en félagssjóður, skulu hafa sérstaka reglugerð samþykkta á aðalfundi. Reglugerðum sjóðanna má aðeins breyta á aðalfundi. Reglugerð hvers sjóðs skal tilgreina hlutverk sjóðsins, hverjar tekjur hans skuli vera, hvernig verja skuli fé hans og hvernig honum er stjórnað. Félagssjóður greiðir allan kostnað af starfsemi félagsins. Sjóðir félagsins skulu ávaxtaðir á tryggan hátt svo sem í ríkisskuldabréfum, í ríkistryggðum skuldabréfum, í bönkum, í sparisjóðum og í skuldabréfum tryggðum með veði í fasteign. Tekjur félagsins skiptast milli sjóðanna samkvæmt ákvæðum í reglugerðum þeirra.

9. Kafli. Lagabrerytingar:

10. Kafli. Félagsslit:

18.1. Félaginu verður ekki slitið nema 3/4 hluti fullgildra félagsmanna samþykki það að viðhafðri allsherjaratkvæðagreiðslu samanber grein 15 (um afgreiðslu kjarasamninga). Verði samþykkt að leggja félagið niður, skulu eignir þess seldar og skipt upp jafnt milli þeirra sem greitt hafa til félagsins undangengna 6 mánuði frá því að ákvörðun er tekin um að leggja það niður og teljast fullgildir félagsmenn.
18.2. Um sameiningu félaga skal fjallað á sama hátt og félagsslit samkvæmt grein 15.
18.3. Verði stjórn félagsins óstarfhæf einhverra hluta vegna, skal boðað til félagsfundar hið fyrsta og skal á þeim fundi kosin bráðabirgðastjórn, sem fer með mál félagsins fram að næsta aðalfundi.

Lög félagsins þannig samþykkt á aðalfundi félagsins 27. nóvember 2009.