Samningur þessi er gerður á grundvelli fyrirtækjaþáttar kjarasamnings Bsf. Sleipnis og SA, en sá kjarasamningur gildir í öllum öðrum atriðum en þeim sem hér greinir.

Samningur þessi nær til allra starfsmanna sem taka kjör skv. kjarasamningi Bsf. Sleipnis og SA.

a. Neysluhlé

Starfsmenn taka neysluhlé á vöktum, aukavöktum og í útkalli eftir því sem eðli vinnunnar býður. Þannig er ekki skylt að veita neysluhlé á fyrirfram ákveðnum tímum.

b. Innheimta á fargjaldi

Starfsmenn annast innheimtu fargjalda og aðstoða við afgreiðslu eftir föngum, enda samrýmist það kunnáttu þeirra og reynslu.

c. Þátttaka í námskeiðum

Starfsmönnum ber að taka þátt í námskeiðum sem fyrirtækið skipuleggur og haldin eru á vegum og / eða greidd eru af fyrirtækinu. Námskeiðin gætu verið ýmis endurmenntunarnámskeið, tungumálanámskeið og önnur námskeið sem hafa það að markmiði að gera starfsmanninn hæfari í starfi. Starfsmanni ber einnig að sækja námskeið utan vinnutíma án þess að sérstakar greiðslur komi fyrir námskeiðssetuna, allt að 20 klst. á ári.

Laun skulu vera sem hér segir frá og með 1. mars 2008:

Fyrsta árið 165.812

Eftir 1 ár 167.798

Eftir 3 ár 169.814

Eftir 5 ár 171.859

Eftir 7 ár 173.936

Launataxtar Kynnisferða:

Vegna ofangreindra breytinga á vinnufyrirkomulagi greiða Kynnisferðir sf. bifreiðastjórum 13% álag á mánaðarlaun. Greiðslur þessar innifela orlof og mynda ekki stofn við útreikning vaktaálags og yfirvinnukaups.

Ofangreind mánaðarlaun og aukagreiðslur koma að öllu leyti í stað þeirra mánaðarlauna, aukagreiðslna og yfirborgana sem starfsmenn hafa nú hjá Kynnisferðum sf.

Samningurinn verður borinn undir alla þá sem samkomulaginu er ætlað að taka til í leynilegri atkvæðagreiðslu sem samninganefnd starfsmanna stendur fyrir á sama tíma og aðalkjarasamningur verður borinn upp.

Samningurinn telst samþykktur ef hann fær þá stuðning meirihluta greiddra atkvæða.

Þau ráðningarkjör sem kveðið er á um í samningi þessum eru bindandi fyrir alla hlutaðeigandi starfsmenn nema samið hafi verið um önnur kjör og betri kjör með ráðningarsamningi starfsmanns og fyrirtækis.

Fyrirtækjasamningur þessi hefur sama gildistíma og aðalkjarasamningur aðila. Hvor samningsaðili getur árlega óskað eftir viðræðum um efni fyrirtækjasamnings þessa.

Reykjavík, 13. mars 2008